އޫކްލާގެ "ފާސްޓެސްޓް 5ޖީ ނެޓްވޯކް އިން މޯލްޑިވްސް" އެވޯޑު ދިރާގަށް

އޫކްލާ ސްޕީޑް ޓެސްޓްގެ ފަރާތުން ދޭ "ފާސްޓެސްޓް 5ޖީ ނެޓްވޯކް އިން މޯލްޑިވްސް" އެވޯޑު ދިރާގަށް ލިބިއްޖެއެވެ. 

ދިރާގުން މިއަދު ބުނީ މި އެވޯޑް ދީފައިވަނީ ބާސެލޯނާގައި ކުރިއަށްދާ މޯބައިލް ވޯލްޑް ކޮންގްރެސް 2025 ގައި ކަމަށެވެ. މިއީ މޯބައިލް ޓެކްނޮލޮޖީގެ އެންމެ ޒަމާނީ ކުރިއެރުންތައް ދައްކުވައިދޭ އެންމެ ވަރުގަދަ އެއް ގްލޯބަލް ޕްލެޓްފޯމުކަން ފާހަގަކޮށްލެވެއެވެ. 

We are proud to be recognized by Ookla® in their Speedtest Awards™ as the Fastest 5G Network in the Maldives for Q3-Q4 2024 - a testament to our dedication to delivering the best, most reliable connectivity across the nation.

This achievement isn’t just about speed; it’s about… pic.twitter.com/YzdDkj0yd6

— Dhiraagu (@Dhiraagu) March 5, 2025

ދިރާގުގެ ފަރާތުން މި މުހިންމު އެވޯޑާ ހަވާލުވެވަޑައިގެންފައި ވަނީ އެ ކުންފުނީގެ ސީއީއޯ އަދި އެމްޑީ އިސްމާއިލް ރަޝީދު އަދި އެ ކުންފުނީގެ ޗީފް ޓެކްނޮލޮޖީ އެންޑް އިންފޮމޭޝަން އޮފިސަރު މުހައްމަދު މުސްއަދުއެވެ.

"އަޅުގަނޑުމެންގެ އަލްޓްރާ-ފާސްޓް 5ޖީ އާއެކު، ފަރުދުންނާއި ވިޔަފާރިތަކަށް މަސައްކަތްތައް ފަސޭހަވެގެން ގޮސް، ކުރިއެރުމަށް އެހީތެރިވެގެންދާނެ. ދިރާގުން ދާނީ އަބަދު ވެސް އެންމެ ފަހުގެ ޓެކްނޮލޮޖީއަށް އިންވެސްޓްކޮށް ޑިޖިޓަލް އިނޮވޭޝަންގެ ގޮތުން ރާއްޖެ އެންމެ ކުރީ ސަފުގައި ދެމިތިބުމަށް މަސައްކަތް ކުރަމުން،" ރަޝީދު ވިދާޅުވިއެވެ.

މިއީ ދިރާގުން މި އެވޯޑް ވިދިވިދިގެން ހޯދި ތިން ވަނަ އަހަރެވެ. މި އެވޯޑް ދިރާގަށް ލިބިފައިވަނީ މިދިޔަ އަހަރުގެ ފަހު ދެ ކުއާޓާއަށެވެ.