ޚަބަރު
މިފްކޯގެ އެމްޑީ އަދި ސީއީއޯގެމަޤާމަށް ބްރިގޭޑިއަރ ޖެނެރަލް ރިޓަޔަރޑް ފަރުޙަތު ޝަޙީރު އައްޔަނުކޮށްފި

ފަރުޙަތު ޝަޙީރު އައިޖީއެމްއެޗް ގެ ސީއީއޯގެ މަޤާމުގައި ހުންނެވިއިރު- ފޮޓޯ: މިހާރު
މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޓެޑް، މިފްކޯގެ މެނޭޖިން ޑިރެކްޓަރ އަދި ޗީފް އެގްޒެކްޓިވް އޮފިސަރގެ މަޤާމަށް، ބްރިގޭޑިއަރ ޖެނެރަލް ރިޓަޔަރޑް ފަރުޙަތު ޝަޙީރު އައްޔަންކޮށްފިއެވެ.
ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން އެކްސްގައި ކުރެއްވި ޕޯސްޓެއްގައި ވިދާޅުވީ، މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޓެޑްގެ މެނޭޖިން ޑިރެކްޓަރ އަދި ޗީފް އެގްޒެކްޓިވް އޮފިސަރ ކަމުގެ މަޤާމަށް މއ. އަޅިވިލާގެ، ބްރިގޭޑިއަރ ޖެނެރަލް (ރޓ) ފަރުޙަތު ޝަޙީރު އައްޔަންކޮށްފައި ވާކަމަށެވެ.
މިފްކޯގެ އެމްޑީ އަދި ސީއީއޯގެ މަޤާމަށް މިދިޔަ ޑިސެމްބަރު މަހުގައި ފުރަތަމަ ފަހަރަށް ބޭރު މީހެއް ވަނީ އައްޔަނު ކޮށްފައެވެ. ނަމަވެސް މިމަހުގެ ތިންވަނަ ދުވަހުގައި މެނޭޖިން ޑިރެކްޓަރ ޑރ. ވިޓާލީ އެމަގާމުން ވަނީ ވަކި ކުރައްވާފަައެވެ.
މިއަދު މިފްކޯގެ އެމްޑީ އަދި ސީއީއޯގެ މަޤާމަށް އައްޔަނު ކުރެއްވި ބްރިގޭޑިއަރ ޖެނެރަލް ރިޓަޔަރޑް ފަރުޙަތު ޝަޙީރު އަކީ މީގެ ކުރިން އައިޖީއެމްއެޗްގެ ސީއޯކަމުގެ މަޤާމުވެސް ފުރުއްވާފައިވާ ބޭފުޅެކެވެ.