Ads by Exprox

ޚަބަރު

މަޖިލީހުގެ މެންބަރުންނަށް ޚާއްސަ އިންތިޒާމެއް ހަމަޖައްސާފައެއް ނުވާނެ- އާސަންދަ

މަޖިލީހުގެ މެންބަރުންނަށް ޚާއްސަ އިންތިޒާމެއް ހަމަޖައްސާފައެއް ނުވާނެ- އާސަންދަ

ފޮޓޯ: އާސަންދަ

މިންނާ ޢަބްދުލްޙަކީމް

މިންނާ ޢަބްދުލްޙަކީމް

07 މާރިޗު 2025، 02:47

07 މާރިޗު 2025، 02:47

އާސަންދަ ކުންފުނިން ޕީއެންސީއަށް ނިސްބަތްވާ ރައްޔިތުންގެ މަޖިލީހުގެ މެންބަރުންނަށް ޚާއްސަ އިންތިޒާމުތަކެއް ހަމަޖައްސާފައި ނުވާނެކަމަށް އެކުންފުނިން ވިދާޅުވެއްޖެއެވެ.

އާސަންދައިން މިހެން ވިދާޅުވީ އަދަދު ނޫހުން "ޕީއެންސީ މަޖިލިސް މެންބަރުންނަށް އާސަންދަ ހަމަޖައްސައިދޭން ޚާއްސަ ޑެސްކެއް ޤާއިމުކޮށްފި" މި ސުރުޚީގެ ދަށުން ލިޔެފައިވާ  ޚަބަރަކާއި ގުޅިގެން އެކަން ދޮގުކުރައްވަމުންނެވެ. އެ ނޫހުގެ ޚަބަރަށް ރައްދު ދެއްވާ އާސަންދައިން އެކްސްގައި ކުރެއްވި ޕޯސްޓެއްގައި ވިދާޅުވީ އެއީ ކަނޑައެޅިގެން ދޮގު ޚަބަރެއް ކަމަށާއި، އާސަންދަ ކުންފުނިން އެފަދަ އެއްވެސް ޑެސްކެއް ޤާއިމުކޮށްފައިނުވާނެ ކަމުގައި ދަންނަވާ ކަމަށެވެ. 

މިކަމާ ގުޅިގެން މަނަދޫ ދާއިރާގެ މެމްބަރު ހުސްނީވެސް ވަނީ އެކަން ދޮގު ކުރައްވާފައެވެ.  އޮންލައިން ނޫހަކަށް މަޢުލޫމާތު ދެއްވަމުން ހުސްނީ ވިދާޅުވީ ދައުރު ކުރަމުންދާ ދެވަނަ ސްކްރީން ޝޮޓް ގައި އެވަނީ ހުސްނީގެ މަންމަގެ އާސަންދަ އެޕްލިކޭޝަން އަކަށް ނިމިދިޔަ ފެބްރުއަރީ މަހު އާސަންދައިން ލިބިފައިވާ ޖަވާބު ކަމަށާއި، އެ ބުނާ ފަދަ ޑެސްކެއް ގާއިމުކޮށް ހާއްސަ އިންތިޒާމުތަކެއް ހަމަޖައްސާފަ ވާނަމަ ލިބެންވާނީ އެ ޖަވާބެއް ނޫން ކަމަށެވެ. އެއިންވެސް އެގިގެން ދަނީ އާސަންދަ ހަމަޖައްސަމުންދަނީ ހަމަޖެހިފައިވާ އުސޫލުތަކެއްގެ މަތިންކަން ކަމަށް ވިދާޅުވިއެވެ. އަދި ވަކި ހާއްސަ ބަޔަކަށް ވަކި ހާއްސަކަމެއް ނޯންނަކަމަށް ހުސްނީ ވިދާޅުވިއެވެ.

ސަރުކާރުން ދަނީ އާސަންދަ ނިޒާމު ހަރުދަނާކޮށް ގެންނަންޖެހޭ އިސްލާޙީ ބަދަލުތައް ގެނައުމުގެ މަސައްކަތް ކުރައްވަމުންނެވެ. 

މި ލިޔުން ކިޔާލުމުން

Ads by MSS