ޚަބަރު
ރެހެންދި އެވޯޑަށް ނަން ހުށައެޅުމަށް ހުޅުވާލައިފި

2017 ވަނަ އަހަރުގެ ރެހެންދި އެވޯޑުގެ ރަސްމިއްޔާތުގެ ތެރެއިން
ރެހެންދި އެވޯޑަށް ނަން ހުށައެޅުމަށް ހުޅުވާލައިފިއެވެ.
ރެހެންދި އެވޯޑަކީ ޤައުމީ ޚިދުމަތުގައި އެކިއެކި ދާއިރާތަކުން އަންހެނުން ކުރާ މަސައްކަތްތަކާއި، މުޖުތަމަޢު ބިނާ ކުރުމަށް އަންހެނުން އަދާކުރާ ދައުރުގެ އަގު ވަޒަންކުރުމަށް ދޭ އެވޯޑެކެވެ.
އެ އެވޯޑަށް ކުރިމަތިލުމުގެ ގޮތުން އަމިއްލައަށް ނަން ހުށަހެޅުމުގެ ފުރުޞަތާއި، އެހެން ފަރާތަކުން ނަން ހުށަހެޅުމުގެ ފުރުޞަތު އަދި އަންހެނުންގެ ތަރައްޤީއަށް މަސައްކަތް ކުރާ ކޮމިޓީތަކުންނާއި ޖަމުޢިއްޔާ ޖަމާޢަތްތަކުންވެސް ނަން ހުށަހެޅުމުގެ ފުރުޞަތު ހުޅުވާލައިފައިވެއެވެ.
މިއެވޯޑު ދިނުމަށް ހަމަޖެހިފައިވާ ދާއިރާތަކުގެ ޝަރުޠުތައް އެކުލެވޭ އުޞޫލާއި އެޕްލިކޭޝަން ފޯމު، އިޖްތިމާއީ ތަރައްޤީއާއި އާއިލާތަކާ ބެހޭ ވުޒާރާގެ ވެބްސައިޓް އިން ޑައުންލޯޑްކުރެވޭނެއެވެ.
އެޕްލިކޭޝަންތައް ބަލައިގަތުމަށް ހަމަޖެހިފައިވަނީ، އެވޯޑަށް ކުރިމަތިލުމަށް ދީފައިވާ މުއްދަތުގައި، އެވުޒާރާގެ އީމެއިލް [email protected] އިންނާއި، ރަސްމީ ބަންދު ދުވަސްތައް ފިޔަވައި، އެހެން ދުވަސްތަކުގެ ހެނދުނު 9:00 އިން މެންދުރުފަހު 14:00 އަށް، އެވުޒާރާގެ ކައުންޓަރުންނެވެ.