ކުޑަކުދިންގެ ނޭވާލާ ނިޒާމަށް ޖެހޭ ބައްޔެއް އާންމުވަމުންދާތީ ސަމާލުވުމަށް އިލްތިމާސްކޮށްފި

ކުޑަކުދިންގެ މެދުގައި ނޭވާލުމުގެ ނިޒާމަށް ޖެހޭ ބައްޔެއް އިތުރުވަމުންދާތީ އެކަމަށް ސަމާލުވުމަށް ހެލްތު ޕްރޮޓެކްޝަން އޭޖެންސީ އެޗްޕީއޭއިން އިލްތިމާސްކުރައްވައިފިއެވެ.

 އެޗްޕީއޭއިން ވިދާޅުވީ ބަލީގެ ބާވަތުން މިދުވަސްވަރު ކުޑަކުދިން ގޮވައިގެން ބޭރުތެރޭގައި އުޅުން މަދުކުރުމަށާއި، މިބަލީގެ ސަބަބުން ބަލީގެ ޙަލަތު ގޯސްވެ، އެޑްމިޓްކޮށްގެން ފަރުވާދޭންޖެހޭ ޙާލަތަށް ދިޔުން ގާތްކަމަށެވެ.

<blockquote class="twitter-tweet"><p lang="en" dir="ltr">There is some increase in RSV (Respiratory Syncytial Virus) cases among children. HPA is closely monitoring the situation, we urge the public to take necessary precautions to prevent the spread of respiratory illnesses, specially among children. Effective measures include…</p>&mdash; Health Protection Agency (@HPA_MV) <a href="https://twitter.com/HPA_MV/status/1838788375777808704?ref_src=twsrc%5Etfw">September 25, 2024</a></blockquote> <script async src="https://platform.twitter.com/widgets.js" charset="utf-8"></script>

އެޗްޕީއޭއިން ވިދާޅުވީ މިބަލިގެ ޢަލާމާތްތަކަކީ ރޯގާގައި ހިމެނޭ ބައެއް ޢަލާމާތްތައްކަމުން ބައްޔާމެދު އިތުރަށް ސަމާލުވާންޖެހޭ ކަމަށެވެ. އެގޮތުން ހުންއައިސް ކެއްސާ އަދި ނޭވާލާން އުނދަގޫވެ މެއަށް ތަދުވާނަމަ ލަސްނުކޮށް ޞިއްޙީ ފަރުވާ އެޗްޕީއޭއިން އިލްތިމާސް ކުރެއެވެ. އަދި ބަލީގެ ކުރީކޮޅު ބަލި ދެނެގަނެވިއްޖެނަމަ ފަރުވާދެވި ބަލި ބޮޑުނުވެ ރައްކާތެރިވުމުގެ ފުރުސަތު އޮންނަކަމަށްވެސް އެޗްޕީއޭއިން ވިދާޅުވެއެވެ.

ބަލިން ރައްކާތެރިވެ ތިބުމަށް ފިޔަވަޅުތައް އެޅުމަށް އެޗްޕީއޭއިންވަނީ އިލްތިމާސްކުރައްވާފައެވެ. އެގޮތުން އާންމު ސާފުތާހިރުކަމަށް ސަމާލުކަންދިނުމަށާއި، ގައިން ގަޔަށް އަރާ މިބަލިން ރައްކާތެރިވުމަށް މީހުން  އެއްވާ ތަންތަނަށް ކުޑަކުދިން ނުގެންދިޔުމަށްވެސް އެޗްޕީއޭއިން އިލްތިމާސްކޮށްފައިވެއެވެ.