Ads by Exprox

ޚަބަރު

އަޒްމިރާލްދާގެ މައްސަލައިގައި ޤާނޫނުން ފަނޑިޔާރަކަށް ލިބިދޭންޖެހޭކަމަށް ކަނޑައަޅާފައިވާ އެންމެހައި ހައްޤުތައް ދެވިފައިވާނެ

އަޒްމިރާލްދާގެ މައްސަލައިގައި ޤާނޫނުން ފަނޑިޔާރަކަށް ލިބިދޭންޖެހޭކަމަށް ކަނޑައަޅާފައިވާ އެންމެހައި ހައްޤުތައް ދެވިފައިވާނެ

ޖުޑިޝަލް ސާވިސް ކޮމިޝަން. ފޮޓޯ: މިހާރު

ޙަސްނާ އަޙްމަދް

ޙަސްނާ އަޙްމަދް

12 މާރިޗު 2025، 10:22

12 މާރިޗު 2025، 10:22

ދިވެހިރާއްޖޭގެ ސުޕްރީމް ކޯޓުގެ ފަނޑިޔާރު ޑރ އަޒްމިރާލްދާ ޒާހިރުއާ ގުޅޭގޮތުން ޖުޑިޝަލް ސާވިސް ކޮމިޝަނުން ތަޙުޤީޤުކުރަމުންދާ މައްސަލައާ ގުޅިގެން ޤާނޫނުއަސާސީއާއި ޤާނޫނުން ފަނޑިޔާރަކަށް ލިބިދޭންޖެހޭކަމަށް ކަނޑައަޅާފައިވާ އެންމެހައި ހައްޤުތައް އޭގެ އެންމެ ފުރިހަމަގޮތުގައި އޭނާ އަށް ދީފައިވާނެ ކަމަށް އެކޮމިޝަނުން ބުނެފިއެވެ. 

އެކޮމިޝަނުން މިހެން ބުނެފައިވަނީ އެކޮމިޝަނުން ނެރެފައިވާ ނޫސްބަޔާނެއްގައެވެ. 

އެކޮމިޝަނުން ބުނެފައިވަނީ ޤާނޫނުއަސާސީ ގައިވާ ފަދައިން މައްސަލައިގެ ތަޙްޤީޤުގައި ޤާނޫނީ ވަކީލެއްގެ އެހީތެރިކަން ހޯދުމަށް މައްސަލަ ރައްދުވާ ފަނޑިޔާރު ޑރ.އަޒްމިރާލްދާ އެދުމުން، އެ ފުރުސަތު 06 މާރިޗު 2025 ގައި ފަނޑިޔާރަށް ދީ، ޤާނޫނީ ވަކީލެއްގެ ގޮތުގައި އަލްއުސްތާޛު އިބްރާހިމް ޝަމީލް އައްޔަނުކޮށްފައިވާ ކަމަށެވެ. 

މީގެއިތުރުން އެކޮމިޝަނުން ބުނެފައިވަނީ އަޒްމިރާލްދާ އާއި ގުޅޭގޮތުން މި ކޮމިޝަނުން ތަޙްޤީޤު ކުރަމުންދާ މައްސަލައިގެ ތަޙްޤީޤަށް 11 މާރިޗު 2025 ގައި އޭނާއާއި އެކު އެ ފަރާތުން އައްޔަންކޮށްފައިވާ ޤާނޫނީ ވަކީލް އަލްއުސްތާޛު އިބްރާހިމް ޝަމީލް ބައިވެރި ވަޑައިގެންފައިވާކަމަށެވެ. 

 އެހެންނަމަވެސް ތަޙްޤީޤުގެ މި އަޑުއެހުމަށްފަހު ޑރ.އަޒްމިރާލްދާގެ ޤާނޫނީ ވަކީލް މީޑިއާތަކަށް ދެއްވާފައިވާ މަޢުލޫމާތަކީ ޙަޤީޤަތާ ޚިލާފު ވާހަކަތަކެއް ކަމަށްވެސް އޮކިމިޝަނުން ބުނެއެވެ.  

 ޖޭއެސްސީން ބަލަމުން އަންނަ މައްސަލައަކާ ގުޅިގެން އަޒްމިރަލްދާ އާއެކުގައި ސުޕްރީމް ކޯޓުގެ ފަނޑިޔާރު މަހާޒް އަލީ ޒާހިރާއި ފަނޑިޔާރު ހުސްނުއްސުޢޫދު ވެސް ސަސްޕެންޑްކުރިއެވެ. ސަސްޕެންޑް ކުރުމާއެކު ސުއޫދު ވަނީ ފަނޑިޔާރު ކަމުން އިސްތިއުފާ ދެއްވައިފައެެވެ. ޖޭއެސްސީން ބަލަމުން އަންނަ މައްސަލައެއްގައި މިދިޔަ އާދިއްތަ ދުވަހު މަހާޒް ވަނީ ޖޭއެސްސީ އަށް ހާޒިރުކޮށް ސުވާލުކޮށްފައެވެ.

 

މި ލިޔުން ކިޔާލުމުން

Ads by MSS