Ads by Exprox

ޚަބަރު

ސުޕްރީމްކޯޓުގެ ފަނޑިޔާރުކަމަށް ކުރިމަތިލުމުގެ ފުރުޞަތު އަލުން ހުޅުވާލައިފި

ސުޕްރީމްކޯޓުގެ ފަނޑިޔާރުކަމަށް ކުރިމަތިލުމުގެ ފުރުޞަތު އަލުން ހުޅުވާލައިފި

ދިވެހިރާއްޖޭގެ ސުޕްރީމް ކޯޓު

farudhun logo

ފަރުދުން

13 މާރިޗު 2025، 12:16

13 މާރިޗު 2025، 12:16

އެކަށީގެންވާ ވަރަށް އެޕްލިކޭޝަން ނުލިބުމުން ސުޕްރީމް ކޯޓުގެ ހުސްވެފައިވާ ފަނޑިޔާރުކަމުގެ މަގާމަށް ބޭފުޅަކު ހޯދަން ޖޭއެސްސީން ދެވަނަ ފަހަރަށް ޢިއުލާނު ކޮށްފިއެވެ.

ސުޕްރީމް ކޯޓުގެ ފަނޑިޔާރު ޙުސްނުއްސުޢޫދު މަޤާމުން އިސްތިއުފާދެއްވުމާއި ގުޅިގެން ސްޕްރީމް ކޯޓުގެ ފަނޑިޔާރުކަމަށް ކުރިމަތިލުމަށް ހުޅުވާލި ސުންގަޑި މިއަދަށް ހަމަވިއިރު ކުރިމަތިލާފައިވަނީ  ސިވިލް ކޯޓުގެ ޤާޟީކަމާއި، ޑެޕިއުޓީ ޕްރޮސެކިއުޓަރ ޖެނެރަލްގެ މަޤާމުވެސް އަދާކުރައްވާފައިވާ މަރްޔަމް ނިހާޔަތުއެވެ.

މިކަމާއި ގުޅިގެން ޖޭއެސްސީން ކުރި އިއުލާނުގައި ބުނެފައިވަނީ، ކުރީގެ އިއުލާނުގެ ސުންގަޑި ހަމަވިއިރު، އެކަށީގެންވާ ވަރަށް އެޕްލިކޭޝަން ލިބިފައި ނުވާތީ އަލުން ފުރުސަތު ހުޅުވައިލީ ކަމަށެވެ. ސުޕްރީމް ކޯޓުގެ ފަނޑިޔާރުކަމަށް ބޭފުޅަކު ހޯދަން ކުރި ދެ ވަނަ އިއުލާނުގެ ސުންގަޑިއަކީ ޖޭއެސްސީން ބުނިގޮތުގައި މިމަހުގެ 15 ވަނަ ދުވަހުގެ ހެނދުނު 10:00 އެވެ.

ސުޕްރީމް ކޯޓުގެ ފަނޑިޔާރުކަމުގެ މަޤާމަށް ކުރިމަތިލުމުގެ ޝަރުޠުތަކުގެތެރޭގައި ޢުމުރުން ތިރީސް އަހަރު ވެފައިވާ މީހަކު ކަމުގައިވުމާއި، އިސްލާމީ ޝަރީޢާ ނުވަތަ ޤާނޫނު ނުވަތަ ޤާނޫނާއި އިސްލާމީ ޝަރީޢާގެ ރޮނގުން ފުރަތަމަ ޑިގްރީ ޙާޞިލުކޮށްފައިވުން ހިމެނެއެވެ. އަދި ފަނޑިޔާރުކަމުގައި ނުވަތަ ޤާނޫނީ ވަކީލުކަން ކުރުމުގައި ނުވަތަ މިދެކަމުގައި މަދުވެގެން 7 އަހަރު ދުވަހުގެ ތަޖުރިބާ ލިބިފައިވުންވެސް ޝަރުޠުތަކުގެ ތެރޭގައި ހިމެނެއެވެ. 

މި ލިޔުން ކިޔާލުމުން

Ads by MSS