Ads by Exprox

ޚަބަރު

ފުވައްމުލަކުގައި ބާކީ ހުރި ބެރެބެދި ގަސްތައް ކެނޑުމާ ގުޅިގެން ރައްޔިތުން ކަންބޮޑުވުން ފާޅުކުރަނީ

ފުވައްމުލަކުގައި ބާކީ ހުރި ބެރެބެދި ގަސްތައް ކެނޑުމާ ގުޅިގެން ރައްޔިތުން ކަންބޮޑުވުން ފާޅުކުރަނީ

ފުވައްމުލަކުގައި ހުރި ބެރެބެދި ގަސްތައް ކަނޑާފައިވާ މަންޒަރު- ފޮޓޯ: ފޭސްބުކް-އަފްރާހް

farudhun logo

ފަރުދުން

15 މާރިޗު 2025، 03:47

15 މާރިޗު 2025، 03:47

ހުލާސާ


ފުވައްމުލަކުގައި ބާކީ ހުރި ބެރެބެދި ގަސްތައް ކެނޑުމާއި ގުޅިގެން ރައްޔިތުން ކަންބޮޑުވުން ފާޅުކުރަން ފަށައިފިއެވެ.

ފުވައްމުލަކު ސިޓީ ކައުންސިލުން މި ގަސްތައް ކަނޑަނީ ކުޅިވަރު އެކުވެންޏެއް ތަރައްޤީ ކުރުމުގެ މަޝްރޫޢުގެ ދަށުންނެވެ. ނަމަވެސް، ގިނަ ރައްޔިތުން ދެކޭ ގޮތުގައި މި ގަސްތަކަކީ ރަށުގެ ތިމާވެށި ރައްކާތެރިކުރުމަށް މުހިންމު ދައުރެއް އަދާކުރާ ގަސްތަކެކެވެ.

"ކަނޑާލާފައި މިވަނީ ފުވައްމުލަކުގައި ހުރި ހުރިހާ ބެރެބެދި ގަހެއް. ކޮންމެވެސް ޒާތެއްގެ ކުޅިވަރު ކުޅޭތަނެއް މިގަސްތަކާއި 20 ފޫޓުކައިރީގައި ހަދައިފައިވޭ، ގަސްތައް ކަނޑާލި ސަބަބަކީ މަގަށް ހިޔާދޭތީ ކަމުގައި ބެލެވެނީ ، މިރަށުން ބެރެބެދިގަސް އެއްކޮށް ނައްތާލެވިފަ މިވަނީ." ފުވައްމުލަކު ސިޓީގެ ރައްޔިތަކު ނުރުހުން ފާޅު ކުރުމުގެ ގޮތުން ބުނެފައިވެއެވެެ.

ފުވައްމުލަކުގެ ބެރެބެދި ގަސްތަކަކީ އެ ރަށުގެ ޘަޤާފީ އަދި ތާރީޚީ ތަރިކައިގެ މުހިންމު ބައެއްގެ ގޮތުގައި ބެލެވެއެވެ. މި ގަސްތަކުގެ ސަބަބުން ރަށުގެ ގޮނޑުދޮށް ރައްކާތެރިވެ، އަދި ތިމާވެށި ހިމާޔަތްކުރުމަށް އެހީތެރިވެދެއެވެ. އެހެންކަމުން، މި ގަސްތައް ކެނޑުމާ ގުޅިގެން ރައްޔިތުންގެ ކަންބޮޑުވުން އިތުރުވަމުންދާކަން ފާހަގަކުރެވެއެވެ.

މި ލިޔުން ކިޔާލުމުން

Ads by MSS