Ads by Exprox

ޚަބަރު

ގޮވާމުގެ ބާވަތްތަކުން ފިޠުރު ޒަކާތް ބަލައިގަތުން ހޮނިހިރު ދުވަހު ފަށާނެ

ގޮވާމުގެ ބާވަތްތަކުން ފިޠުރު ޒަކާތް ބަލައިގަތުން ހޮނިހިރު ދުވަހު ފަށާނެ

ޒަކާތު ހައުސްގެ މުވައްޒަފެއް- ފޮޓޯ: ދިވެހި ރާއްޖޭގެ ޒކާތު ހައުސް

މިންނާ ޢަބްދުލްޙަކީމް

މިންނާ ޢަބްދުލްޙަކީމް

17 މާރިޗު 2025، 09:53

17 މާރިޗު 2025، 09:53

ގޮވާމުގެ ބާވަތްތަކުން ފިޠުރު ޒަކާތް ބަލައިގަތުން ހޮނިހިރު ދުވަހު ފަށާނެ ކަމަށް ދިވެހި ރާއްޖޭގެ ޒަކާތު ހައުސްއިން ވިދާޅުވެއްޖެއެވެ.

ޒަކާތު ހައުސްއިން ވިދާޅުވީ 22 މާރިޗް 2025 ވާ ހޮނިހިރު ދުވަހުން ފެށިގެން ގޮވާމުގެ ބާވަތްތަކުން ފިޠުރު ޒަކާތް ބަލައިގަންނަން ފަށާނެކަމަށެވެ. އަދި މި މަހުގެ 27 ވަނަ ދުވަހާ ހަމައަށް ގޮވާމުގެ ބާވަތްތަކުން ޒަކާތް ބަލައިގަންނާނެކަމަށްވެސްއެ އިދާރާއިން ވިދާޅުވިއެވެ. އެ އިދާރާއިން ވިދާޅުވީ ފިޠުރު ޒަކާތުގެ ގޮތުގައި ދައްކާނީ އެބަޔަކު ޢާންމު ގޮތެއްގައި ކެއުމަށް ބޭނުންކުރާ ގޮވާމުގެ ބާވަތަކުން ބޮލަކަށް 2.4 ކިލޯގެ މިންވަރު ކަމަށެވެ. މާލެ ސިޓީގައި ގޮވާމުން ފިޠުރު ޒަކާތް ބަލައިގަތުމަށް ހަމަޖެހިފައިވަނީ މަޖީދިއްޔާ ސްކޫލްގެ ޞަލާހުއްސީން ހޯލުންނެވެ.

ޒަކާތް ބަލައިގަތުމަށް ހަމަޖެހިފައިވަނީ 22 މާރިޗް 2025ން 27 މާރިޗް 2025 ގެ ނިޔަލަށް ކޮންމެ ދުވަހެއްގެ މެންދުރުފަހު 13:00ން 16:00 އަށެވެ.

ފިޠުރު ޒަކާތުގެ ގޮތުގައި ބަލައިގަތުމަށް ހަމަޖެހިފައިވާ ބާވަތްތަކަކީ:

• އާދައިގެ ހަނޑޫ
• ތައިލެންޑް ހަނޑޫ
• ބާސްމަތީ ހަނޑޫ
• ރަތް ހަނޑޫ
• ގޮދަން ފުށް
• އާޓާ ފުށް

ޒަކާތު ހައުސްއިން ވަނީ ރަމަޟާން މަހުގެ ފުރަތަމަ ދުވަހުން ފެށިގެން އޮންލައިންކޮށް އަދި އިސްލާމީ ކަންތައްތަކާ ބެހޭ ވުޒާރާގެ ކައުންޓަރުތަކުން ޒަކާތް ބަލައިގަންނަން ފަށާފައެވެ.  

މި ލިޔުން ކިޔާލުމުން

Ads by MSS