ޚަބަރު
ޕްރައިވެޓް އިންޝުއަރެންސްއާއެކު މިހާރު އާސަންދަ ލިބޭނެ

އާސަންދަ އޮފީސް

ފަރުދުން
20 މާރިޗު 2025، 08:38
20 މާރިޗު 2025، 08:38
ޕްރައިވެޓް އިންޝުއަރެންސްގެ ޕެކޭޖް ހަމަވުމުން އާސަންދައިން ޚިދުމަތަށް އެދެވޭގޮތަށް އޮތް އޮތުން ބަދަލުކޮށް ޕްރައިވެޓް އިންޝުއަރެންސްއާއެކު އާސަންދަ ލިބޭގޮތަށް ބަދަލުކޮށްފިއެވެ.
އިޤްތިޞާދީ ޙާލަތު ދަށަަށް ގޮސްފައިވުމުން ހަރަދުތައް ކުޑަކުރުމުގެގޮތުން ޕްރައިވެޓް އިންޝުއަރެންސް އޮންނަ ފަރާތްތަކަށް އައުޓް ޕޭޝަން ޚިދުމަތްތަކަށް އާސަންދަވަނީ ކަނޑާލަފައެވެ. އަދި މިފަދަ ފަރާތްތަކުގެ ޕްރައިވެޓް އިންޝުއަރެންސްގެ ޕެކޭޖް ހަމަވުމުން އާސަންދައިން ޚިދުމަތަށް އެދެވޭގޮތަށް މިދިޔަ އަހަރުގެ ތެރޭގައިވަނީ ބަދަލުކޮށްފައިވެއެވެ.
އާންމުންގެ ގިނަ ބައެއްގެ ކަންބޮޑުވުން އޮތުމާއި އެކު އާސަންދައިން މިހާރު ވަނީ އެ ނިންމުން ބަދަލުކޮށްފައެވެ. މިހާރު ގެނެސްފައިވާ ބަދަލާއެކު ޑޮކްޓަރަށް ދެއްކުމަށް ފުރަތަމަ ކަނޑާނީ އިންޝުއަރެންސް އިންނެވެ. އާސަންދައިން ކަނޑާނީ ބާކީ އަދަދެވެ. އެހެންކަމުން އަމިއްލަ ޖީބުން ކުރަންޖެހޭ ހަރަދު ކުޑަވެގެންދާނެއެވެ.
އާސަންދައިން ވިދާޅުވީ، އާސަންދަ ކުންފުނިން ނެރުނު ބަޔާނެއްގައުި ބުނެފައިވަނީ ޕްރައިވެޓް އިންޝުއަރެންސް އޮންނަ ފަރާތްތަކަށް އެނދުމަތިނުވެ ހޯދާ ސިއްޚީ ޚިދުމަތްތަކަށް އިއްޔެއިން ފެށިގެން އިންޝުއަރެންސް ބޭނުންކުރުމާއެކު އާސަންދަ ސްކީމުން ޚިދުމަތަށް ކަނޑައަޅާފައިވާ އަދަދު، ޑޮކްޓަރަށް ދެއްކުމަށް ޚިދުމަތް ހޯދާއިރު، ނަގާ ކޮންސަލްޓޭޝަން ފީ ލިބޭނެ ނިޒާމު ހަމަޖައްސާފައިވާ ކަމަށެވެ. ޕްރައިވެޓް އިންޝުއަރެންސް އޮންނަ ފަރާތްތަކަށް އެނދުމަތި ނުވެ ފޯރުކޮށްދޭ އެހެނިހެން ޚިދުމަތްތަކަށް އާސަންދަ މެދުވެރިކޮށް މިއުސޫލުގެ ދަށުން ޢަމަލުކުރަން ފަށާނީ މި މަހުގެ 27 ވަނަ ދުވަހުން ފެށިގެންކަމަށެވެ.