ޖަލުގައި ދަން ޖެހުނު މީހާގެ ޕޯސްޓްމޯޓަމް ހަދަން ފޮނުވައިފި

މާފުށީ ޖަލުގައި ޝަރީޢަތް ނިމެންދެން ބަންދުކޮށްފައި ހުއްޓާ ދަންޖެހިގެން މަރުވި މީހާގެ ހަށިގަނޑު ޕޯސްޓްމޯޓަމް ހަދަން އިންޑިއާއަށް ފޮނުވައިފިއެވެ.

މާފުށީ ޖަލުގައި ޝަރީޢަތް ނިމެންދެން ބަންދުކޮށްފައި ހުއްޓާ ދަންޖެހިގެން އަމިއްލައަށް މަރުވެފައިވަނީ، 15 އަހަރުގެ އަންހެންކުއްޖަކާ އެކު ގަދަކަމުން ބަދު އަހުލާގީ އަމަލު ހިންގި ކަމުގެ ތުހުމަތުގައި، ބަންދުކޮށްފައި ހުރި މާލޭ ގ. އެއްތެޔޮމާގޭ، އަބްދުލްޣަނީ އިސްމާއިލް، 62 އެވެ. އޭނާ ދަންޖެހިގެން މަރުވެފައި އޮއްވައި ފެނުނީ މިދިޔަ ހަފުތާގެ އަންގާރަ ދުވަހު އެވެ.

ފުލުހުން ބުނީ ޕޯސްޓްމޯޓަމް ހެދުމަށް އޭނާ ހަށިގަނޑު ރާއްޖެއިން ބޭރަށް ފޮނުވާފައިވަނީ އިއްޔެ  ކަމަށެވެ. 

ޖަލުގައި މަރުވާ ގައިދީންނާއި އެކި ތުހުމަތުތަކުގައި ބަންދުގައި ހުއްޓާ މަރުވާ މީހުންގެ ޕޯސްޓްމޯޓަމް ހެދުމަކީ ލާޒިމް ކަމެއް ކަމަށް ސަރުކާރުން ކަނޑައެޅީ މިދިޔަ ޖޫން މަހު ބޭއްވި ނިއުސް ކޮންފަރެންސެއްގައެވެ.