Ads by Exprox

ޚަބަރު

މޯލްޑިވިއަން ބްލަޑް ސަރވިސަސް ގެ ޑިރެކްޓަރ ޖެނަރަލް ގެ މަގާމަށް މަޢުޞޫމް

މޯލްޑިވިއަން ބްލަޑް ސަރވިސަސް ގެ ޑިރެކްޓަރ ޖެނަރަލް ގެ މަގާމަށް މަޢުޞޫމް

ބްލަޑް ސަރވިސަސް ގެ ޑިރެކްޓަރ ޖެނަރަލް ގެ މަގާމަށް އައްޔަނު ކުރެއްވިމަޢުޞޫމް- ފޮޓޯ: ޕީއެސްއެމް

farudhun logo

ފަރުދުން

24 މާރިޗު 2025، 09:58

24 މާރިޗު 2025، 09:58

މޯލްޑިވިއަން ބްލަޑް ސަރވިސަސް ގެ ޑިރެކްޓަރ ޖެނަރަލް ގެ މަގާމަށް އަލްފާޟިލް އަޙްމަދު މަޢުޞޫމް އައްޔަންކޮށްފިއެވެ.

މެނޭޖުމެންޓު ދާއިރާގެ ތަޖުރިބާ ލިބިފައިވާ އަޙްމަދު މަޢުޞޫމް އަކީ އިންދިރާގާންދީ މެމޯރިއަލް ހޮސްޕިޓަލުގައި މަސައްކަތްކުރައްވަައި ސިއްހީ ހިދުމަތުގެ ތަޖުރިބާވެސް ހޯއްދަވާފައިވާ ބޭފުޅެކެވެ. މައުޞޫމް މި މަޤާމަށް އައްޔަނުކޮށްފައި މިވަނީ ބްލަޑް ސަރވިސަސްގެ ހިދުމަތް ލިބުމުގައި ދަތިތަކާއި ކުރިމަތިލާން ޖެހުމުން އާއްމުންގެ ގިނަ ކަންބޮޑުވުންތަކެއް ފެންމަތި ކުރުވުމާއި ގުޅިގެން ރައީސް ޑރ މުޙައްމަދު މުޢިއްޒު އެ ސެންޓަރަށް ޒިޔާރަތްކުރެއްވުމަށް ފަހުގައެވެ. މި ޒިޔާރާތައްފަހު ބްލަޑް ސަރވިސަސްގެ މައްސަލަތައް ހައްލުކުރުމަށް އަވަސް ފިޔަވަޅުތަކެއް އަޅުއްވަން ކަމާ ބެހޭ އިދާރާތަކަށް އިރުޝާދު ދެއްވަވާފައެވެ.

މީގެ އިތުރުން ބްލަޑް ސަރވިސަސް އަށް ފިޒީޝަނަކާއި، މިވަގުތަށް ބޭނުންވާ ފަސް ނަރުހުން ހޯދުމުގެ މަސައްކަތްވެސް މިހާރު ކުރަމުންދާކަމަށް ސިއްޚީ ވުޒާރާއިން ވިދާޅުވެއެވެ. އަދި އިދާރީ މުވައްޒަފު ހަމަޖެއްސުމުގެ މަސައްކަތްވެސް ހިނގަމުން ދާކަމަށް ވިދާޅުވިއެވެ.

މި ލިޔުން ކިޔާލުމުން

Ads by MSS