ކުޑަހުވަދޫ ކައިރީ އޮތް ދޯންޏެއްގައި ރޯވެއްޖެ

ދ. ކުޑަހުވަދޫ ކައިރީ އޮތް ދޯންޏެއްގައި އަލިފާން ރޯވެއްޖެެއެވެ.

ދިވެހި ފުލުހުންގެ ޚިދުމަތުން ވިދާޅުވީ މި ހާދިސާ ހިނގާފައިވަނީ މިއަދު ހެނދުނުކަމަށެވެ. މި ހާދިސާގެ  ތަފްސީލު ފުލުހުން ދީފައެއް ނުވެއެވެ.

ހާދިސާގައި ގެއްލުންވީ މީހުންނާއި، ދޯންޏަށް ލިބުނީ ކިހާވަރެއްގެ ގެއްލުމެއްކަމެއް އަދި އެނގިފައެއް ނުވެއެވެ. ދައުރުވަމުންދާ ވީޑިއޯއިން ފެންނަ ގޮތުގައި އަލިފާން ރޯވެފައިވަނީ މަސް ދޯންޏެއްގައެވެ. ފުލުހުން ވިދާޅުވީ ދޯނީގައި ރޯވި އަލިފާން ނިންވާލުމަށް ސިފައިންނާއި ފުލުހުން ހަރަކާތްތެރިވަމުންދާކަމަށެވެ.