މަރާމާތަށްފަހު ހުކުރު ދުވަހު އާސަހަރާ މިސްކިތް ހުޅުވާލަނީ

މަރާމާތަށް ބަންދުކޮށްފައިހުރި އާސަހަރާ މިސްކިތް އަންނަ ހުކުރު ދުވަހު ހުޅުވާލާ ޖަނާޒާތައް ބާއްވަން ފަށާނެކަމަށް މާލޭ ސިޓީ ކައުންސިލުން ބުނެފިއެވެ.

މިސްކިތުގެ އެއްބައިގެ މަސައްކަތް ނިންމާ، މިސްކިތުގެ ތިރީބައި މިހާރުވެސް ދަނީ ބޭނުންކުރަމުންނެވެ. މިސްކިތުގެ މަސައްކަތް ނިމޭއިރު 3،200 އަކަފޫޓު މިސްކިތަށް ވަނީ އިތުރުކޮށްފައެވެ. މަސައްކަތް އެއްކޮށް ނިމި މަތީބަޔާއެކު ހުޅުވާލުމުން  ހުކުރުދުވަހުގެ ފަހުން އަލުން ޖަނާޒާތައް ބާއްވަމުން ގެންދާނެކަމަށް މާލޭ ސިޓީކައުންސިލުން ބުނެއެވެ.

މާލޭގައި ޖަނާޒާގެ ހުރިހާ ކަމެއް ކުރަމުން އައި އާ ސަހަރާ ބޭނުންކުރުން މެދުކަނޑާލީ މިދިޔަ އަހަރުގެ މެއި މަހުގެ ތެރޭގައި މިސްކިތް  މަރާމާތަށް ބަންދުކުރުމާއި ގުޅިގެންނެވެ. އޭގެ ފަހުން މާލޭގައި ނިޔާވާ މީހުންގެ ޖަނާޒާ އަދި މީހުން ވަޅުލަން ފަށާފައިވަނީ ހުޅުމާލޭ ސަހަރާގަ އެވެ.