ސަރުކާރުގެ ފަރާތުން ބާއްވާ ޢީދު ހަވީރުގައި މުނިފޫހި ފިލުވުމުގެ ޙަރަކާތްތަކާއެކު ޢީދު ހަދިޔާ ބެހުން

"އީދު ހަވީރު 1446" ނަމުގައި ގިނަ ޙަރަކާތްތަކެއް  ފިތުރު ޢީދު ދުވަހު މާލޭގައި ބާއްވަން ނިންމައިފިއެވެ. 

ޤައުމީ ދިފާޢީ ބާރުން ވިދާޅުވީ ފިޠުރު ޢީދުގެ އުފަލުގައި އާއިލާތައް އެކުވެރި މާހައުލެއްގައި ބައްދަލުވެ ޢީދު ސަލާންކޮށް ހިތްހަމަޖެހޭ މާހައުލެއްގައި ވަގުތު ހޭދަކުރުމުގެ ގޮތުން ފިޠުރު ޢީދު ދުވަހު މާލޭގައި ޚާއްޞަ ހަރަކާތްތަކެއް ކުރިއަށް ގެންދަން ނިންމާފައިވާކަމަށެވެ.   

އެގޮތުން ޢީދު ހަވީރު އޮންނާއި މާލޭ ސަލްޓަން ޕާކުން ފެށިގެން އިސްލާމީ މަރުކަޒު މައިދާނާއި ޖުމްހޫރީ މައިދާނާއި ރަސްމީ ބޮޑު ފާލަން ސަރަޙައްދު ހިމެނޭހެން ބޮޑު ސަރަހައްދެއްގައެވެ. މި ސަރަހައްދުގައި އާއިލާތަކަށް މަޑުކޮށްލައިގެން ތިބެވޭނެ އިންތިޒާމާއި ޢީދު އުފަލުގައި ބާއްވާ ކުޅިވަރު ތަކުގައި ބައިވެރިވުމުގެ ފުރުސަތު އޮންނާނެ ކަމަށް ޤައުމީ ދިފާޢީ ބާރުން މަޢުލޫމާތު ދެއެވެެ. 

ޢީދު ކުޅިވަރުތައް ކުރިއަށްދާނީ ކުޑަކުދިން ގަޔާވާނެ ފަދަ ގޮތަކަށް ގިނަ ކަންތައްތަކެއް ހިމަނައިގެން ކަމަށް ދިފާޢީ ބާރުން ވިދާޅުވިއެވެ. އަދި ހަމައެހެންމެ އެކި ފަރާތްތަކާއި ބައްދަލުވެ ކުޅިވަރު ކުޅުމުގެ އިތުރުން ހަދިޔާ ބަދަލު ކުރުންފަދަ ރީތި އާދަކާދަތައް ކުރިއަށްދާނެ ކަމަށް ވިދާޅުވިއެވެ. 

މި ޢީދަކީ  މިއީ ދިވެހި ރާއްޖޭގެ ޤައުމީ ދިފާޢީ ބާރާއި، ދިވެހި ފުލުހުންގެ ޚިދުމަތުގެ އިތުރުން ސަރުކާރު ހިއްސާވާ އެކި ކުންފުނިތަކުން އިންތިޒާމް ކުރާ ހަރަކާތެކެވެ. މާލޭގައި މިފަދަ ބޮޑު ޢީދު ހަވީރެއް ބޭއްވުމުގެ މަޤްސަދަކީ، އިސްލާމީ މުހިއްމު މުނާސަބަތުގެ އުފަލުގައި ވީހާ ވެސް ގިނަ އާއިލާތަކެއް އެއްތަނަކުން ބައްދަލުވެ، އިޖުތިމާއީ ރޫހު އާލާކުރުމާއި ކުޑަކުދިންނަށް އީދުގެ އުފާވެރިކަން ގެނެސްދިނުން ކަމުގައި ޤައުމީ ދިފާޢީ ބާރުން މަޢުލޫމާތު ދެއެވެ.