ފިޠުރުޒަކާތުގެ ގޮތުގައި ލިބިފައިވާ ގޮވާމުގެ ބާވަތްތައް ބެހުމުގެ މަސައްކަތް މާދަމާ ފަށާނެ

1446ވަނަަ އަހަރުގެ ރަމަޟާން މަހު ފިޠުރުޒަކާތުގެ ގޮތުގައި ލިބިފައިވާ ގޮވާމުގެ ބާވަތްތައް މާލޭ ސަރަހައްދުގައި ބެހުމުގެ މަސައްކަތް  28 މާރިޗު (މާދަމާ) އިން ފެށިގެން ކުރިއަށްދާނެ ކަަމަށް ދިވެހިރާއްޖޭގެ ޒަކާތު ހައުސްއިން ވިދާޅުވެއްޖެއެވެ.

ޒަކާތު ހައުސްއިން ކޮށްފައިވާ ޢިއުލާނެއްގައި ވަނީ 1446ވަނަ އަހަރު ފިޠުރު ޒަކާތުގެ ގޮތުގައި މާލެ ސިޓީޏް ބަލައިގަނެފައިވާ ގޮވާމުގެ ބާވަތްތައް ބެހުމުގެ މަސައްކަތް 28 ރަމަޟާން 1446 ( 28 މާރިޗް 2025)  ވަނަ ދުވަހުން ފެށިގެން ކުރިއަށްދާނެ ކަމަށެވެ. ފިތުރު ޒަކާތް ބެހުމުގެ މަސައްކަތް ކުރިއަށްދާނީ އިސްކަންދަރު ސުކޫލުގައި ކަމަށް ޒަކާތު ހައުސްގެ އިޢުލާނުގައި ވެއެވެ. 

އެގޮތުން މިތަކެތި ބެހުމަށް ހަމަޖެހިފައިވަނީ މާލެ ސިޓީ ފަޤީރުންނާއި މިސްކީނުންގެ ދަފްތަރުގައި ރަޖިސްޓްރީ ވެފައިވާ ފަރާތްތަކަށް ކަމަށްވެސް ޒަކާތުހައުސްއިން މަޢުލޫމާތު ދެއްވައެވެ. ފިތުރު ޒަކާތުގެ ގޮތުގައި ލިބިފައިވާ ގޮވާމުގެ ބާވަތްތައް ބެހުމަށް ހަމަޖެހިފައިވަނީ:

28 މާރިޗް: 14:00- 16:30 އަދި 21:30-23:30 އަށް

29 މާރިޗް: 10:00-12:00، 13:00-15:00 އަދި 16:00-17:00 އަށް