ޢީދު ބައިބަލާ ޗެލެންޖް 1446ގެ އޮފިޝަލް ޕާޓްނަރަކަށް އެޗްޑިސީ

ޢީދު ބައިބަލާ ޗެލެންޖް 1446ގެ އޮފިޝަލް ޕާޓްނަރަކަށް އެޗްޑީސީން ސޮއިކޮށްފިއެވެ.

ބައިބަލާ އެސޯސިއޭޝަނުން ކޮންމެ އަހަރަކުވެސް ބާއްވަމުން އަންނަ ބައިބަލާ ޗެލެންޖްގެ މިފަހަރުގެ އޮފިޝަލް ޕާޓްނަރަކަށް އެޗްޑީސީން ސޮއި ކޮށްފައިވާއިރު، މިފަހަރުގެ މުބާރާތްވެސް ކުރިޔަށް ގެންދިޔުމަށް ހަމަޖެހިފައިވަނީ ހުޅުމާލެ ސެންޓްރަލް ޕާކުގައެވެ.

މިކަމާއި ގުޅިގެން އެޗްޑީސީން ވިދާޅުވީ ހަރަކާތްތެރި ދިރިއުޅުމެއް ކުރިއެރުވުމަށް ކުރާ ކޮންމެ މަސައްކަތެއްގައިވެސް އެކުންފުނީގެ ފުރިހަމަ އެއްބާރުލުން ލިބޭނެކަމަށެވެ.  އެއާއެކު މިއަހަރުގެ މުބާރާތަކީވެސް ފޯރިގަދަ، ހަނދާންނައްތާނުލެވޭފަދަ ގަޔާވާ ހަރަކާތަކަށް ހަދާނެކަމުގެ ޔަގީންކަން އެޗްޑީސީން ދީފައިވެއެވެ. 

މިއަހަރުގެ ބައިބަލާ ޗެލެންޖް ފެށުމަށް ހަމަޖެހިފައިވަނީ ވަޅު ޢީދު ދުވަހުއެވެ. މިދިޔަ އަހަރު ކުރިއަށްގެންދިޔަ އެމްޓީސީސީ އީދު ބައިބަލާ ޗެލެންޖް 1445 ގެ ފައިނަލް މެޗުގައި ސީދާ ދެ ގޭމުން ކުލަބު ކާސިންޖީ (ސީކޭ) ބަލިކޮށް، މުބާރާތުގެ ޗެމްޕިއަންކަން ހޯދީ ބުރު ސްޕޯޓްސް ކުލަބުންނެވެ.