ސްޓޫޑެންޓް ލޯނު އިސްލާމީ އުޞޫލުތަކާ އެއްގޮތަށް ބަދަލުކުރެއްވުމުން ޝޭޚް ސަމީރުގެ ޝުކުރު ރައީސަށް

ސްޓޫޑެންޓް ލޯނުގެ ކަންކަން އިސްލާމީ ޝަރީޢާ ހުއްދަކުރާ އުޞޫލުތަކާ އެއްގޮތަށް ބަދަލުކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމެވި ނިންމެވުމާ ގުޅިގެން ޝޭޚް އަޚްމަދު ސަމީރު ވަނީ ރައީސަށް ޝުކުރު އަދާކުރައްވާފައެވެ.

ޝޭޚް ސަމީރު އެކްސްގައި ކުރެއްވި ޕޯސްޓެއްގައި ވިދާޅުވެފައިވަނީ، "އިސްލާމީ ޝަރީޢާ ހުއްދަ ކުރާ އުޞޫލުން ސްޓޫޑެންޓް ލޯނުގެ ކަންކަން ތަރުތީބުކޮށްދެއްވަން ނިންމެވިކަމަށްޓަކައި ރައީސް ޑޮކްޓަރ މުޙައްމަދު މުޢިއްޒުއަށް ޝުކުރު ދަންނަވަން! މީ އިސްލާމީ އުޞޫލަށް ކަންކަން ބައްޓަން ކުރެއްވުމުގައި ރައީސުލްޖުމްހޫރިއްޔާ އެޅުއްވި ވަރަށް ހެޔޮ ފިޔަވަޅެއް!" މިފަދައިންނެވެ.

ރައީސް މުޢިއްޒު އިޢުލާންކުރެއްވި ބަދަލުތަކުގެ ތެރޭގައި، ލޯނާއެކު ހިމެނިފައިވާ %1 އެޑްމިނިސްޓްރޭޓިވް ފީ އެއްކޮށް އުނިކުރުމާއި، ލޯނުގެ ގޮތުގައި ދޫކުރާ ފައިސާގެ އިތުރުން އެއްވެސް މިންވަރެއް އިތުރަށް ޗާޖު ނުކުރުން ހިމެނެއެވެ. މީގެ އިތުރުން، ކުރިން ލޯނު ނަގާފައިވާ ފަރާތްތަކުގެ ލޯނު އަދަދުތައް ވެސް އަލުން އެޖަސްޓްކުރުމަށް ރައީސް ވަނީ އަންގަވާފައެވެ.

އިސްލާމީޝަރީޢާ ހުއްދަ ކުރާ އުޞޫލުން ސްޓޫޑެންޓް ލޯނުގެ ކަންކަން ތަރުތީބުކޮށްދެއްވަން ނިންމެވިކަމަށްޓަކައި @MMuizzu އަށް ޝުކުރު ދަންނަވަން! މީ އިސްލާމީ އުޞޫލަށް ކަންކަން ބައްޓަން ކުރެއްވުމުގައި ރައީސުލް ޖުމުހޫރިއްޔާ އެޅުއްވި ވަރަށް ހެޔޮ ފިޔަވަޅެއް ! https://t.co/4hFJPYGvhK

— Ahmed Sameer (@Ahmadhsameer) March 27, 2025