ޚަބަރު
ގދ.އަތޮޅުގައި އައިޑީ ކާޑު ޕްރިންޓްކޮށްދިނުމުގެ ޚިދުމަތް ފަށައިފި

ގދ.އަތޮޅުގައި އައިޑީ ކާޑު ޕްރިންޓްކޮށްދިނުމުގެ ޚިދުމަތް ފަށުން- ފޮޓޯ: ޑީއެންރާއު
ގދ.އަތޮޅުގައި އައިޑީ ކާޑު ޕްރިންޓްކޮށްދިނުމުގެ ޚިދުމަތް ފަށައިފިއެވެ.
ޑިޕާޓްމެންޓް އޮފް ނޭޝަނަލް ރަޖިސްޓްރޭޝަން އިން ވިދާޅުވީ އައިޑީ ކާޑު ޕްރިންޓް ކުރުމުގެ ޚިދުމަތް ގދ. އަތޮޅަށް ފުޅާކޮށްފައިވާ ކަމަށާއި، ގދ. އަތޮޅު ކައުންސިލުން އައިޑީ ކާޑު ޕްރިންޓުކޮށް އަތޮޅުގެ އެހެން ރަށްރަށަށް ފޮނުވުމުގެ މަސައްކަތްކުރާނެ ކަމަށެވެ.
ރާއްޖޭގެ މީހުން ދިރިއުޅޭ ކޮންމެ އަތޮޅަކުން ނުވަތަ އަތޮޅުވެރިކަން ކުރާ ރަށަކުން އައިޑީ ކާޑުގެ ޚިދުމަތް ފޯރުކޮށްދިނުމަކީ ސަރުކާރުގެ ސިޔާސަތުގެ ތެރޭގައި ހިމެނޭކަމެކެވެމިއީ މާލޭން ބޭރުން އަތޮޅުތަކުގައި އައިޑީ ކާޑު ޕްރިންޓްކޮށް، ދޫކުރުމުގެ ހިދުމަތްދޭ 14 ވަނަ ސަރަހައްދެވެ. މިއާއެކު އައިޑީ ކާޑުގެ ޚިދުމަތް އަވަސްވެ، ހަރުދަނާވެގެންދާނެއެވެ.