މިރޭ ހުޅުމާލޭ ސެންޓްރަލް ޕާކުގައި ޑްރޯން ޝޯއަކާއި ހަވާ އެރުވުން އޮންނާނެ: އެޗްޑީސީ

ފިތުރު އީދު ފާހަގަކުރުމުގެ ގޮތުން މިރޭ ހުޅުމާލޭ ސެންޓްރަލް ޕާކުގައި ޑްރޯން ޝޯއަކާއި ހަވާ އެރުވުން އޮންނާނެކަމަށް ހައުސިންގ ޑިވެލޮޕްމަންޓް ކޯޕަރޭޝަން، އެޗްޑީސީން ވިދާޅުވެއްޖެއެވެ.

އެޗްޑިސީން ވިދާޅުވީ  ޑްރޯން ޝޯ ފެށޭނީ މިރޭ 8:30 ގައި ކަމަށެވެ. އަދި 30 މިނިޓުގެ ޑްރޯން ޝޯއަށްފަހު މިރޭ 9:00 ގަައި ހަވާ އަރުވާނެ ކަމަށްވެސް އެ ކުންފުނިން މަޢުލޫމާތުދެއެވެ. އެޗްޑީސީން ވަނީ ފިތުރު ޢީދު ފެށުމުގެ ގޮތުން ދިއްލުމުގެ ރަސްމިއްޔާތެއް ރޭގައި ބާއްވާފައެވެ. ހަމައެއާއެކު އީދު ފެސްޓިވަލްވެސް ބޭއްވުމަށް ނިންމާފައި ވަނީ ހުޅުމާލެ ސެންޓްރަލް ޕާކުގަ އެވެ. ފެސްޓިވަލް ކުރިއަށް ދާނީ މިއަދު ހަވީރު 4:00 އިން ފެށިގެން 5:45 އަށެވެ. 

ހުޅުމާލޭގެ އިތުރުން މާލޭގަ ވެސް ޢީދު ފާހަގަ ކުރުމަށް "ޢީދު އުފާ 1446" ނަމުގައި ތަފާތު ހަރަކާތްތައް ބޭއްވުމަށް ވަނީ ނިންމާފައެވެ. ސަލާމަތީ ބާރުތަކާއި ސަރުކާރު ހިއްސާވާ ކުންފުނިތައް ގުޅިގެން ބާއްވާ "އީދު ހަވީރު 1446" ގައި ވެސް ވެސް އެޗްޑީސީން ބައިވެރިވާނެ އެވެ.

މިއަހަރުގެ ފިޠުރު ޢީދަކީ އެހެން އަހަރުތަކާ ޚިލާފަށް ކުލަގަދަ ޢީދަކަށް ވެގެންދާނެއެވެ.