ޚަބަރު
"ޢީދު ހަވީރު 1446" ގެ ހަރަކާތްތައް މިއަދާއި މާދަމާ ވެސް އޮންނާނެ

އެމްއެންޑީއެފުން ކުރިއަށްގެންދިޔަ ޢީދު ހަވީރުގެ ތެރެއިން- ފޮޓޯ: އެމްއެންޑީއެފް
"ޢީދު ހަވީރު 1446" ގެ ހަރަކާތްތައް މާރިޗު 31 އަދި އޭޕްރީލް 1 ވަނަ ދުވަހުވެސް ކުރިއަށްދާނެ ކަމަށް ޤައުމީ ދިފާޢީބާރުން ވިދާޅުވެއްޖެއެވެ.
ދިވެހިރާއްޖޭގެ ޤައުމީ ދިފާއީބާރުން ވިދާޅުވީ، ޢީދު ހަވީރު 1446ގައި އެމްއެންޑީއެފުން ކުރިއަށް ގެންދިޔަ ހަރަކާތްތަކަށް، އާންމުންގެ ފަރާތުން ބޮޑު ތަރުހީބެއް ލިބިފައިވާކަމަށެވެ. އެހެންކަމުން "ޢީދު ހަވީރު 1446" ގެ ހަރަކާތްތައް މިއަދާއި މާދަމާ ވެސް އޮންނާނެ ކަމަށް ވިދާޅުވިއެވެ. މި ކުޅިވަރުތައް ކުރިއަށްދާނީ ހަވީރު 16:00 އިން 18:00 އަށް ޖުމުހޫރީ މައިދާން ސަރަހައްދުގައެވެ.
ސަރުކާރުގެ ގިނަ މުއައްސަސާ ތަކަކާއި، ސަރުކާރު ހިއްސާވާ ގިނަ ކުންފުނިތަކެއް ގެޅިގެން ބޭއްވި "ޢީދުހަވީރު 1446" ގައި އެމްއެންޑީއެފުން ކުރިއަށް ގެންދިޔަ ހަރަކާތްތަކަށް، އާންމުންގެ ފަރާތުން ބޮޑު ތަރުހީބެއް ލިބުން ކަމަށް އެމްއެންޑީއެފުން ވިދާޅުވިއެވެ.
އިއްޔެގެ ޢީދު ހަވީރުގައި ރާއްޖޭގެ ޢިއްޒަތްތެރި ރައީސުލް ޖޫމްހޫރިއްޔާ އަދި ސިފައިންގެ އެންމެ މަތީވެރިޔާ ޑރ މުޙައްމަދު މުއިއްޒުގެ ޢާއިލާ ބައިވެރިވެ ވަޑައިގެންނެވި އެވެ.