ކެލާ އަދި ކާށިދޫ ފަޅުގައި ރިސޯޓު ތަރައްޤީކޮށް ހިންގާނެ ބަޔަކު ހޯދަނީ

ހއ.ކެލާ އަދި ކ.ކާށިދޫ ފަޅުގައި ރިސޯޓު ތަރައްޤީކޮށް ހިންގާނެ ފަރާތެއް ހޯދުމަށް ޓޫރިޒަމް މިނިސްޓްރީން މިނިސްޓްރީން އިޢުލާނުކޮށްފިއެވެ.

އެ މިިނިސްޓްރީން ކޮށްފައިވާ އިޢުލާނުގައި ވަނީ ކެލާގެ ފަޅުގައި ދެ ރިޒޯޓު ތަރައްޤީކުރުމަށް އެރަށުގެ ފަޅުތެރެއިން 156.2 ހެކްޓަރުގެ ސަރަހައްދަކާއި 169.3 ހެކްޓަރުގެ ސަރަހައްދެއް ބީލަމުގެ އުޞޫލުން ޓޫރިސްޓް ރިޒޯޓް ތަރައްޤީކޮށް ހިންގާނެ ފަރާތެއް ހޯދުމަށް އިޢުލާނު  ކުރާކަމަށެވެ.  ހަމައެއާއެކު ކ. ކާށިދޫ ފަޅުގެ ތެރެއިން 115.21 ހެކްޓަރުގެ ފަޅުގެ ސަރަހައްދެއްގައިވެސް ބީލަމުގެ އުޞޫލުން ޓޫރިސްޓް ރިޒޯޓް ތަރައްޤީކޮށް ހިންގާނެ ފަރާތެއް ހޯދުމަށް ވަނީ އިޢުލާން ކޮށްފައެވެ. 

މިކަމަށް ޝައުގުވެރިވާ ފަރާތްތަކަށް މިމަހުގެ 15 ވަނަ ދުވަހު އަދި މެއި މަހުގެ 6 ވަނަ ދުވަހު މި ފަޅުތަކުގައި ރިސޯޓު ތަރައްގީކުރުމާ ގުޅޭ މައުލޫމާތު ދިނުމުގެ ސެޝަންތައް އޮންލައިންކޮށް ކުރިއަށް ގެންދިއުމަށް ވަނީ ނިންމާފައެވެ. ދެ ދުވަހުވެސް އެ ސެޝަން އޮންނާނީ 10:00 ގައެވެ. މި ސެޝަން ތަކުގައި ބައިވެރިވުމަށް މިމަހުގެ 14ވާ ހޯމަ ދުވަހާއި އަންނަ މަހުގެ 05ވާ ހޯމަ ދުވަހުގެ 12:00ގެ ކުރިން އެ ވުޒާރާގެ މެއިލްއަށް މަޢުލޫމާތު ފޮނުވުމަށް ވަނީ އަންގާފައެވެ. 

ހއ. ކެލާގެ ފަޅުތެރޭގައި ރިސޯޓެއް ތަރާއްޤީ ކުރުމާއި، ރަށުގައި ދަނޑުވެރިވެރިކަމުގެ މަޝްރޫޢެއް ހިންގެވުމަކީ ރައީސުލްޖުމްހޫރިއްޔާގެ ރިޔާސީ ވަޢުދުފުޅެކެވެ.