ޚަބަރު
ތުރުކީވިލާތުގައި ދިވެހި އެމްބަސީއެއް ހުޅުވައިފި
ތުރުކީވިލާތުގައި ދިވެހި އެމްބަސީ ހުޅުވުމަށް ބޭއްވި ރައްމިއްޔާތުގެ ތެރެއިން، ފޮޓޯ: ފޮރިން މިނިސްޓްރީ
ތާރީޚުގައި ފުރަތަމަ ފަހަރަށް ތުރުކީވިލާތުގައި ދިވެހި އެމްބަސީއެއް ހުޅުވައިފިއެވެ. ތުރުކީވިލާތުގައި ދިވެހި ކޮންސިއުލާރ ޚިދުމަތް އިފްތިތާޙުކޮށްދެއްވީ، ދިދަ ނެގުމުގެ ޙާއްސަ ރައްމިއްޔާތަކާއެކު ޚާރިޖީ ވަޒީރު ޑރ. ޢަބްދުﷲ ޚަލީލާއި، ތުރުކީގެ މިނިސްޓަރ އޮފް ކަލްޗަރ އެންޑް ޓޫރިޒަމް މެހްމެތް ނޫރީ އެރްސޮއި އަދި ރާއްޖެއިން ތުރުކީއަށް ކަނޑައަޅާފައި ހުންނަވާ ސަފީރު ލެފްޓެނަންޓް ޖެނެރަލް (ރޓ) ޢަބްދުއްރަޙީމް ޢަބްދުއްލަޠީފެވެ.
މި ޚިދުމަތާ ގުޅިގެން ހާރިޖީ ވަޒީރު ވިދާޅުވީ، މިއީ ދެ ޤައުމުގެ ގުޅުން އިތުރަށް ބަދަހިކުރުމަށް ލިބުނު ތާރީޚީ ކުރިއެރުމެއް ކަމަށާއި، އަދި މިކަމުގެ ސަބަބުން ދިވެހިރާއްޖޭގެ ޚާރިޖީ ސިޔާސަތު ތަންފީޒުކުރުމަށާއި، ތުރުކީގައި ދިރިއުޅޭ ދިވެހިންނަށް ކޮންސިއުލަރ ޚިދުމަތް ފޯރުކޮށްދިނުމުގައި ވަރަށް ބޮޑު ލުއިފަސޭހަކަމެއް ލިބިގެންދާނެކަމަށެވެ.
ހާރިޖީ ވަޒީރު ސިފަކުރެއްވީ، މިއީ ދެ ޤައުމުގެ ދެމެދުގައި ބައިލެޓަރަލް އަދި މަލްޓިލެޓަރަލް ގޮތުން ގުޅުން ހަރުދަނާކުރުމަށް ހުޅުވިގެންދިޔަ އިތުރު ދޮރެއްގެ ގޮތުގައެވެ.
އެމްބަސީގެ ޚިދުމަތް އިފްތިތާޙު ކުރުމަށް އޮތް ރަސްމިއްޔާތުގައި ވާހަކަފުޅު ދައްކަވަމުން ހާރިޖީ ވަޒީރު ވިދާޅުވީ، އެ އެމްބަސީއާއެކު ތުރުކީގައި ދިރިއުޅޭ އަދި އެކި ބޭނުންތަކުގައި އެ ޤައުމަށް ޒިޔާރަތްކުރާ ދިވެހި ރައްޔިތުންނަށް ދިމާވާ އެކި ކަހަލަ ކަންކަމުގައި އެހީތެރިކަން ހޯދުމަށާއި، ލުއިފަސޭހަ ގޮތްތައް ހަމަޖެއްސުމަށް ދިވެހި ރައްޔިތުންނަށް ފަސޭހަވެގެން ދާނެކަމަށެވެ.
Minister of Foreign Affairs Dr. Abdulla Khaleel, officially inaugurated the first resident Embassy of the Republic of Maldives in the Republic of Türkiye
— Ministry of Foreign Affairs 🇲🇻 (@MoFAmv) April 15, 2025
📃 Press Release | https://t.co/WXm2ZS0gQG pic.twitter.com/4SbwuwN8xB
ތުރުކީއަކީ މިފަހަކަށް އައިސް ގިނަ ދިވެހިން ޗުއްޓީ ހޭދަކުރުމަށް ދަތުރުކުރާ ޤައުމެކެވެ. އަދި ކޮންމެވެސް މިންވަރަކަށް މި ޤައުމުގައި ދިވެހި ކިޔަވާ ކުދިންވެސް ދިރިއުޅެއެވެ.
