ކުރު މުއްދަތެއްގެ ތެރޭގައި 6،500 އަށްވުރެ ގިނަ އުޅަނދު ބަލައި ފާސްކޮށްފައިވޭ- ތަފާސް ހިސާބު

މަގުމަތީގެ ސަލާމަތާއި ރައްކާތެރިކަން ކަށަވަރުކުރުމަށް ފުލުހުން ކުރަމުންދާ މަސައްކަތުގެ ތެރެއިން 6،000 އަށްވުރެ ގިނަ އުޅަނދު ބަލައި ފާސްކޮށްފި އެވެ.

ފުލުހުން ނެރެފައިވާ ތަފާސްހިސާބުތަކުން ދައްކާގޮތުގައި ސެޕްޓެމްބަރު މަހުގެ 12 ވަނަދުވަހުން ފެށިގެން 30 ވަނަ ދުވަހުގެ ނިޔަލަށް ފުލުހުން ވަނީ 1،266 ކާރާއި، 5،427 ސައިކަލް ބަލައި ފާސްކޮށްފަ އެވެ. ބަލައި ފާސްކުރުމުގެ ތެރެއިން 88 ކާރަށާއި 394 ސައިކަލަކަށް ފިޔަވަޅު އަޅާފައިވާކަމަށް ތަފާސްހިސާބު ތަކުން ދައްކައެވެ. އޭގެތެރޭގައި ލައިސަންސް ނެތި ކާރު ދުއްވި 10 މީހަކާއި ލައިސަންސް ނެތި ސައިކަލް ދުއްވި 102 މީހަކު ހިމެނެއެވެ.

ސެޕްޓެމްބަރު މަހުގައި ފުލުހުން ވަނީ ޤަވާއިދާ ޚިލާފުވި 20 ސައިކަލެއް ޓޯވ ކޮށްފައެވެ. މީގެ އިތުރުން ޓްރެފިކް ޤަވާއިދުތަކާ ޚިލާފުވި އިތުރު 500 އަށް ވުރެ ގިނަ މީހުންނަށް ނަސޭހަތް ދީފައިވާ ކަމަށް އެ ތަފާސްހިސާބުތަކުން ދައްކަ އެވެ.

މާލޭ ސަރަޙައްދުގައި އެކްސިޑެންޓްތައް ގިނަވެފައިވާތީ ފުލުހުން ވަނީ ޚާއްޞަ އޮޕަރޭޝަނެއް ފަށާފައެވެ. ފުލުހުން މަގުތަކަށް ނުކުރުމުން އެކްސިޑެންޓްތަކާއި ކުއްތައް މަދުވެފައިވާކަމަށް ފުލުހުން ބުނެފައި ވެއެވެ.