ރާއްޖޭގައި ފުރަތަމަ ފަހަރަށް ހައްޖާއި އުމްރާ ކޮންފަރެންސް މިމަހު ބާއްވަނީ

ރާއްޖޭގައި ފުރަތަމަ ފަހަރަށް ބޭއްވޭ ޙައްޖާއި ޢުމްރާއާ ބެހޭ ކޮންފަރެންސް މިމަހު 31 ގައި ބާއްވާނެ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.

މިނިސްޓަރ "އެކްސް" ގައި ކުރެއްވި ޕޯސްޓެއްގައި ވިދާޅުވީ ރާއްޖޭގައި ފުރަތަމަ ފަހަރަށް ބާއްވާ ޙައްޖާއި ޢުމްރާއާ ބެހޭ ކޮންފަރެންސް މިމަހު 31 ގައި އޮންނާނެކަމަށެވެ. މިއީ ޙައްޖާއި ޢުމްރާގެ  ޚިދުމަތް ދޭ ފަރާތްތަކަށް އަމާޒުކޮށްގެން ކޮންފަރެންސްއެއް ކަމަށާއި މި ކޮންފަރެންސްގެ މަޤުޞަދަކީ ޙައްޖާއި ޢުމްރާގެ އަށް ގެންދިއުމުގެ ނިޒާމު ހަރުދަނާކުރުން ކަމުގަ މިނިސްޓަރ ވިދާޅުވިއެވެ.

އިސްލާމިކް މިނިސްޓްރީން ވަނީ ތަފާތު ދާއިރާތަކުން މީގެކުރިންވެސް މަހާސިންތާތަކެއް ބާއްވައިފަ އެވެ. އޭގެތެރޭގައި އިލްމުވެރިންގެ މަހާސިންތާ، ޖަމްއިއްޔާ މަހާސިންތާ އަދި އިމާމުންގެ މަހާސިންތާ ފާހަގަކޮށްލެވެ އެވެ. ކުރިއަށް އޮތްތަނުގައިވެސް މިނިސްޓްރީންވަނީ މަހާސިންތާ ތަކެއް ބޭއްވުމަށް ތާވަލު ކޮށްފައެވެ. އެގޮތުން ޙައްޖާއި ޢުމްރާގެ މަހާސިންތާގެ އިތުރުން ޒަކާތާއި ގުޅޭ މަހާސިންތާއެއް ބޭއްވުމަށްވެސް ވަނީ ހަމަޖެހިފައެވެ.