ޚަބަރު
28 ފުޅި ބަނގުރަލާއެކު ހުޅުމާލޭން ލަންކާގެ ޒުވާނަކު ހައްޔަރުކޮށްފި
ފުލުހުން ހުޅުމާލޭން ހައްޔަރު ކުރި މީހާ- ފޮޓޯ: ފުލުހުން
ފަރުދުން
10 އޮކްޓޯބަރު 2024، 02:19
10 އޮކްޓޯބަރު 2024، 02:19
28 ފުޅި ބަނގުރަލާއެކު ހުޅުމާލޭން ލަންކާގެ ޒުވާނަކު ހައްޔަރުކޮށްފިއެވެ.
ފުލުހުން ވިދާޅުވީ ހުޅުމާލެ ފޭސް 1 ގެ ފުލުހުން ރޭ ޕެޓްރޯލް ކުރަމުންދިޔަ އިރު ލިބުނު މައުލޫމާތަކާ ގުޅިގެން، ކާރެއް ހުއްޓުވައި ބަލައިފާސްކޮށް މީހަކު ހައްޔަރުކޮށްފައިވާ ކަމަށެވެ.
މި މައްސަލައާ ގުޅިގެން ހައްޔަރުކޮށްފައިވަނީ ސްރީލަންކާ ރައްޔިތެއްކަމުގައިވާ ތަރިންދު މަހޭސްހަކަ (25އ) އެވެ. އޭނާ ދުއްވި ކާރު އަމީން އެވެނިއު ކައިރިން ހުއްޓުވައި ބަލައިފާސްކުރިއިރު 28 ފުޅި ބަނގުރާ ފެނިފައިވާ ކަމަށާއި އޭނާ ދުއްވި ކާރުވަނީ ޓޯވކޮށްފައި ކަމަށް ފުލުހުން ވިދާޅުވިއެވެ.
ފުލުހުން ވިދާޅުވީ މި މައްސަލަ ހުޅުމާލެ ފޭސް 1 ޕޮލިސް ސްޓޭޝަނުން ތަހުގީގުކުރަމުންދާ ކަމަށެވެ.
