އައު ތިއޭޓަރާއެކު ދަރުމަވަންތަ ހޮސްޕިޓަލުން ދުނިޔޭގެ ފެންވަރުގެ ޚިދުމަތެއް!

ދުނިޔޭގެ ފެންވަރުގެ އޮޕަރޭޝަން ތިއޭޓަރުގެ ޚިދުމަތްދެވޭ ތިއޭޓަރެއް ދަރުމަވަންތަ ހޮސްޕިޓަލުގައި ޤާއިމުކޮށްފިއެވެ.

މިކަން ހާމަކުރައްވާ، އައިޖީއެމްއެޗުން އެކްސްގައި ކޮށްފައިވާ ޕޯސްޓެއްގައި ވަނީ ކެތު ލެބާއެކު ޒަމާނީ ހައިބްރިޑް އޮޕަރޭޓިން ތިއޭޓަރެއް ތައާރަފްކުރުމަކީ ލިބޭ ފަޚުރެއް ކަމުގައެވެ. ކެތްލެބްގެ ޚިދުމަތް ފެށުމާއެކު އެތަނުން މިހާރު ސިކުނޑިއާއި މައިބަދައިގެ އިތުރުން ހިތުގެ އޮޕަރޭޝަންތައް ކުރެވޭނެއެވެ. މީގެ އިތުރުން ހަށިގަނޑުގެ އެކި ތަންތަނުގައި ލޭގަނޑުވުމުގެ ސަބަބުން ހަދަންޖެހޭ އެކި ޕްރޮސީޖަރތައްވެސް ހެދޭނެކަމަށް އެހޮސްޕިޓަލުން ވިދާޅުވެއެވެ. 

ޒަމާނީ އާލަތްތަކާއެކު ތަރައްޤީކުރިނަމަވެސް ޑީއެޗް 11 ބޭނުން ނުކޮށް ހުންނަތާ 5 އަހަރު ވެއްޖެއެވެ. ގިނަ ދުވަސްތަކެއްވަންދެން ބޭނުން ނުކޮށް ހުރުމުގެ ސަބަބުން މެޝިނަރީތަކަށް މައްސަލަ ދިމާވެފައި ހުރިކަމަށާއި އެކަން ހައްލުކުރުމަށް ސްޕެއާ ގެނެސް މައްސަލަ ހައްލުކުރުމަށްފަހު އޮޕަރޭޝަންތައް ކުރަން ފެށީ މިދިޔަ ހަފްތާގައިކަމަށް އައިޖީއެމްއެޗުން ވިދާޅުވެފައިވެއެވެ. އައިޖީއެމްއެޗުން ވިދާޅުވެފައިވަނީ ދަރުމަވަންތަ ހޮސްޕިޓަލުގެ 11 ވަނަ ފަނަގިފިލާގައި ހުޅުވި މި ހައިބްރިޑް ތިއޭޓަރާއެކު ރާއްޖޭގެ ސިއްހީ ނިޒާމަށް ބޮޑު ކުރިއެރުމެއް ލިބިފައިވާ ކަމަށެވެ.