ފ. އަތޮޅުގެ ކުރީގެ މެމްބަރު ޢަބްދުލްޣަފޫރު އިބްރާހީމް އަވަހާރަވެއްޖެ

ރައްޔިތުންގެ މަޖިލީހުގެ ކުރީގެ މެންބަރު ޢަބްދުލްޣަފޫރު އިބްރާހީމް އަވަހާރަވެއްޖެއެވެ.

ޢަބްދުލްޣަފޫރު އިބްރާހީމް އަކީ ރައްޔިތުންގެ މަޖިލީހުގެ ފ. އަތޮޅު މެންބަރުކަން 27 ފެބްރުއަރީ 2005ން 27 މެއި 2009 އަށް ކުރައްވާފައިވާ ބޭފުޅެކެވެ.

ޢަބްދުލްޣަފޫރު އިބްރާހީމް އަވަހާރަވުމާ ގުޅިގެން އެމަރުޙޫމްގެ އާއިލާއަށް، ރައްޔިތުންގެ މަޖިލީހުގެ ރައީސާއި މެންބަރުންގެ ނަންފުޅުގައި ވަނީ ތަޢުޒިޔާ ފޮނުއްވާފައެވެ. ރައްޔިތުންގެ މަޖިލީހުން ފޮނުއްވާފައިވާ ތަޢުޒިޔާ މެސެޖުގައި ވަނީ، ރައްޔިތުންގެ މަޖިލީހުގެ ފ. އަތޮޅު މެންބަރުކަން ކުރެއްވި، ޢަބްދުލްޣަފޫރު އިބްރާހީމް އަވަހާރަވުމާ ގުޅިގެން އެމަރުޙޫމްގެ އާއިލާއަށް، ރައްޔިތުންގެ މަޖިލީހުގެ ރައީސްއާއި މެންބަރުންގެ ނަންފުޅުގައި ނުހަނު އިޚްލާޞްތެރިކަމާއެކު ތަޢުޒިޔާ ދަންނަވާ ކަމަށެވެ.

މަޢުލޫމާތު ލިބިފައިވާގޮތުގައި ޢަބްދުލްޣަފޫރު އިބްރާހީމް އަވަހާރަވެފައިވަނީ މިއަދުގެ ވަގުތެއްގައި ސްޓްރޯކެއް ޖެހިގެންނެވެ.