ޤައުމީ ވޮލީ ލީގުގެ "ގޯލްޑް މެޗް" މިރޭ!

މިހާރު ކުރިއަށްދާ ޤައުމީ ވޮލީ ލީގުގެ އަންހެން ޑިވިޝަންގެ "ގޯލްޑް މެޗް"ގައި  ޕޮލިސް ކްލަބާއި ކްލަބް ވެމްކޯ މިރޭ ބައްދަލުކުރާނެއެވެ.

ހަ އަހަރުގެ މެދުކެނޑުމަކަށްފަހު ޤައުމީ އަންހެން ވޮލީ ލީގުގެ ކުޅުން ފަށާފައިވާއިރު މިއަހަރުގެ މުބާރާތުގައި ހަ ކްލަބަކުން ވަނީ ބައިވެރިވެފައެވެ. މުބާރާތުގެ ހުރިހާ މެޗަކުން ޕޮލިސް ކްލަބާއި ކްލަބް ވެމްކޯ އިން ވަނީ ސީދާ ތިން ސެޓު ކާމިޔާބުކޮށް މޮޅުވުމުގެ ރެކޯޑް ދަމަހައްޓާފައެވެ.

ޕޮލިސް ކްލަބުން ތިންވަނަ މެޗުގައި ނުކުތީ ޔޫތު ނިއުޖެނެރޭޝަނާ ދެކޮޅަށެވެ. ވެމްކޯ އިން ތިންވަނަ މެޗުގައި ނުކުތީ, އަސްދިގަ ސްޕޯޓްސް ކްލަބާ ދެކޮޅަށެވެ.  މި އަހަރުގެ މުބާރާތުގައި ޤައުމީ ވޮޅީ ލީގުގެ އަންހެން ޑިވިޝަންގައި ބައިވެރިވެފައިވަނީ ކްލަބް ވެމްކޯ، ޕޮލިސް ކްލަބް، ވޮލީބޯލް ޔޫތު ނިއު ޖެނެރޭޝަން, ގުޑީސް ސްޕޯޓްސް ކްލަބް އަދި ހިންމަފުށީ ވިކްޓޯރިއަސް ސްޕޯޓްސް ކްލަބެވެ.

މިރޭ ކުރިއަށްދާ ފަހު "ގޯލްޑް މެޗް" ޔެސް ޓީވީން ލައިވް ކުރުމަށް ވަނީ ހަމަޖެހިފައެވެ.