ޚަބަރު
ހުޅުމާލެ ކޯޓު އުވާލުމަށް ޤާނޫނަށް އިސްލާޙު ހުށައަޅަނީ!
ހުޅުމާލެ މެޖިސްޓްރޭޓް ކޯޓު. ފޮޓޯ:ސަން
ހުލާސާ
ހުޅުމާލެ ކޯޓު އުވާލުމަށް ޤާނޫނަށް އިޞްލާޙް ހުށައަޅަން ސަރުކާރުން ނިންމައިފިއެވެ.
ރާއްޖޭގެ ބައެއް މީޑިއާތަކާ ވާހަކަ ދައްކަވަމުން، ބަންޑާރަ ނައިބު އަޙުމަދު އުޝާމް ވިދާޅުވީ، ހުޅުމާލޭ ކޯޓު އުވާލުމުގެ މަސައްކަތް ކުރާނެ ކަމަށެވެ. އަދި މިހާރު ކުރިއަށްދަނީ އެ މަސައްކަތް ޑްރާފްޓް ކުރުން ކަމަށެވެ.
ބަންޑާރަ ނައިބު އުޝާމް ވިދާޅުވީ އެކަން ކުރާނެ ކަމަށެވެ.
މާލޭގައި ހުންނަ ފަދަ ސުޕީރިއާ ކޯޓުތައް ހުންނަ ރަށްރަށުގައި މެޖިސްޓްރޭޓް ކޯޓެއް ނުހުންނާނެ ކަމަށް ކޯޓުތަކުގެ ޤާނޫނު ގައި ބަޔާން ކުރެއެވެ.
އެހެންނަމަވެސް، ހުޅުމާލެ އަކީ މާލޭގެ އަވަށަކަށް ވީނަމަވެސް، 2012 ވަނަ އަހަރު، ހުޅުމާލޭގައި ހުންނަ މެޖިސްޓްރޭޓް ކޯޓަކީ ޞައްޙަ ކޯޓެއް ކަމަށް ސުޕްރީމް ކޯޓުން ވަނީ ބަލައިގެންފައެވެ.
މީގެ ކުރިން 2022 ވަނަ އަހަރު ޖޭއެސްސީން ވެސް ހުޅުމާލޭ ކޯޓު އުވާލުމަށް މަސައްކަތް ކޮށްފައިވެއެވެ.
