ހުރަވީ ސްކޫލުގައި ދަރިވަރަކު ކުއްލި ގޮތަކަށް ނިޔާވެއްޖެ

ހުޅުމާލޭގައި ހުންނަ ހުރަވީ ސްކޫލުގެ ދަރިވަރަކު މިއަދު ކުއްލިގޮތަކަށް ނިޔާވެއްޖެއެވެ.

ދިވެހި ފުލުހުންގެ ޚިދުމަތުން މީޑިއާއަށް ހިއްސާކުރި މެސެޖެއްގައި ވަނީ، ހުރަވީ ސްކޫލުގައި އިން ކުއްޖަކަށް ސިއްޙީ ހާލަތެއް މެދުވެރިވެގެން ހުޅުމާލެ ހޮސްޕިޓަލަށް ގެންދިޔަކަމުގެ ރިޕޯޓު މިއަދު ހެނދުނު ލިބިފައިވާ ކަމަށެވެ. އެ ކުއްޖާ ހޮސްޕިޓަލަށް ގެންދިޔައިރުވެސް ނިޔާވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށާއި، ނިޔާވެފައިވަނީ 13 އަހަރުގެ އަންހެން ކުއްޖެއް ކަމަށްވެސް ފުލުހުން ވިދާޅުވިއެވެެ.

މި މައްސަލަ ފުލުހުން ދަނީ އިތުރަށް ތަޙުޤީޤު ކުރަމުންނެވެ.