އަލިފުށީގައި ފީނަން ފޭބި މީހަކު މަރުވެފައި އޮއްވާ ފެނިއްޖެ

ރ.އަލިފުށީގައި ފީނަން ފޭބި މީހަކު މަރުވެފައި އޮއްވާ ފެނިއްޖެއެވެ.

މީޑީއާއަށް މަޢުލޫމާތު ދެއްވަމުން ފުލުހުން ވިދާޅުވީ މަރުވެފައި އޮއްވާ ފެނިފައިވަނީ އަލިފުށި ކަނޑު ތޮށި ކައިރިން މަސް ހިފަން މޫދަށް ފޭބި 24 އަހަރުގެ ދިވެހި ފިރިހެނެއްކަމަށެވެ. އެ މީހާގެ ހަށިގަނޑު މިހާރު މޫދުން ނަގާފައިވާކަމަށާއި، ޞިއްޙީ މަރުކަޒަށް ގެންގޮސްފައިވާކަމަށްވެސް ވަނީ ވިދާޅުވެފައެވެ.

ފުލުހުން ވިދާޅުވީ އަލިފުށީ ކަނޑުތޮށި ކައިރިއަށް މަސް ހިފަން މޫދަށް ފޭބި ތިން މީހުންގެ ތެރެއިން އެކަކު މައްޗަށް ނާރައި އަޑީގައި އޮތް ކަމަށް މިއަދު 12:08 ހާއިރު ފުލުހުންނަށް ރިޕޯޓްކޮށްފައިވާކަމަށެވެ. ގެއްލިގެން ހޯދީ އެ ރަށު ކަޝްމީރުގެ، ނަބީހު ހަސަން އެވެ. އޭނާއާ އެކު އިތުރު ތިން މީހަކު އަލިފުށި ކައިރިއަށް ފީނަން ފޭބީ މިއަދު ހެނދުނު 10 ޖަހާކަށް ހާއިރުކަމަށްވެއެވެ. 

ފީނަން ފޭބި ތިން މީހެއްގެ ތެރެއިން އެކަކު ގެއްލިގެން އުޅޭކަމަށް ފުލުހުންނަށް ރިޕޯޓްކުރީ މެންދުރު 12:08ހާއިރުއެވެ. އޭނާ ގެންލިގެން ހޯދަން ފެށީ މެންދުރު 12:00ހާއިރުއެވެ. ހަށިގަނޑު ފެނުނީ 13:00ހާއިރުއެވެ. ގެއްލިގެން ހޯދި މީހާގެ ހަށިގަނޑު ފެނިފައިވަނީ އަލިފުށި ދެކުނު ފަރާތު މޫދު އަޑިންކަމަށް މަޢޫލުމާތު ލިބެއެވެ. އޭނާގެ ހަޑިގަނޑު ނަގާފައިވަނީ ޑައިވަރުންގެ ޓީމަކުންނެވެ.