ލައިސަންސްގެ ޚިދުމަތް އަތޮޅުތެރޭގެ ދިހަ ސެންޓަރަކަށް ފުޅާކުރަނީ

ލައިސަންސްގެ ޚިދުމަތް އަތޮޅުތެރޭގެ ދިހަ ސެންޓަރަކަށް ފުޅާކުރުމަށް ހުއްދަ ދީފައިވާ ކަމަށް ޓްރާންސްޕޯޓް މިނިސްޓްރީން ބުނެފި އެވެ.

 އަތޮޅުތެރޭގެ ރައްޔިތުންނަށް ލައިސަންސް ހޯދުމުގައި ދިމާވާ ދަތިތަކަށް ހައްލެއް ހޯދައިދިނުމުގެ މަޤުސަދުގައި ފެށި މި މަސައްކަތާއެކު، އަތޮޅުތަކުގެ ރައްޔިތުންނަށް މާލެއަށް ދަތުރުކުރުމަކާ ނުލައި ލައިސަންސް ހޯދުމުގެ ފުރުސަތު ލިބިގެންދާނެ ކަމުގައި ޓްރާންސްޕޯޓް މިނިސްޓަރު ވިދާޅުވި އެވެ.

ޓްރާންސްޕޯޓް މިނިސްޓްރީން އަތޮޅުތެރޭގައި ލައިސަންސްގެ ޚިދުމަތް ފުޅާކޮށްފައި މިވަނީ ރާއްޖޭގައި ލައިސަންސް ދޫކުރުމުގެ ނިޒާމު އިތުރަށް ހަރުދަނާކުރުމަށްޓަކައި ކަމުގައިވެސް މިނިސްްރީން މަޢުލޫމާތުދީފައިވެއެވެ.

މިނިސްޓްރީން ވިދާޅުވީ މިހާރު ލައިސަންސް ދޫކުރަމުންދާ ސެންޓަރުތައް މޮނިޓަރކުރުމުގެ މަސައްކަތްވެސް މިނިސްޓްރީން ކުރަމުންދާކަމަށެވެ. އެގޮތުން މި ސެންޓަރުތަކުގެ ފެންވަރު ރަނގަޅުކުރުމަށްޓަކައި ސެންޓަރުތަކުގައި މަސައްކަތްކުރާ މުވައްޒަފުންގެ ޤާބިލުކަން އިތުރުކުރުމަށް ޚާއްޞަ ތަމްރީނު ޕްރޮގްރާމްތަކެއް ވަނީ ކުރިއަށް ގެންގޮސްފައެވެ.