(ކާވާ) މެންސް ވޮލީބޯލް ޗެލެންޖް ކަޕް 2024: ތިންވަނަ މެޗުގައި ބައްދަލުކުރި އަފްޣާނިސްތާން އަތުންވެސް ރާއްޖެ ބަލިވެއްޖެ

އުޒްބެކިސްތާނުގައި ކުރިއަށްދާ ސެންޓްރަލް އޭޝިއަން ވޮލީބޯލް އެސޯސިއޭޝަން (ކާވާ) މެންސް ވޮލީބޯލް ޗެލެންޖް ކަޕް 2024 ގައި ރާއްޖޭގެ ޤައުމީ ފިރިހެން ވޮލީބޯޅަ ޓީމުން ކުޅުނު ތިންވަނަ  މެޗުންވެސް ބަލިވެއްޖެއެވެ.

ރާއްޖޭއިން ދެވަނަ މެޗުގައި ބައްދަލު ކޮށްފައިވަނީ އަފްޣާނިސްތާނާއެވެ. މި މެޗުން ރާއްޖެ ބަލިވީ ސީދާ ތިން ސެޓުންނެވެ. މި މެޗުން ރާއްޖެ ބަލިވިއިރު، މުބާރާތުގައި ކުޅުނު ފުރަތަމަ ދެމެޗުންވެސް ރާއްޖެ ވަނީ ބަލިވެފައެވެ. ރާއްޖެއިން ފުރަތަމަ މެޗުގައި ބައްދަލުކުރީ ކިރްގިސްތާނާއެވެ.ދެވަނަ ސެޓުގައި ތުރުކުމެނިސްތާން އަތުން ތިން ސެޓު ދެ ސެޓުން ރާއްޖެވަނީ ބަލިވެފައެވެ.

ކާވާ ވޮލީބޯލް ޗެލެންޖް ކަޕް ކުރިއަށްދާނީ މިމަހުގެ 24 ވަނަ ދުވަހުގެ ނިޔަލަށް އުޒްބެކިސްތާނުގެ ޓަޝްކެންޓުގައެވެ. މި މުބާރާތުގައި ހަ ގައުމެއް ވާދަކުރާއިރު، އެ ޤައުމުތަކަކީ ރާއްޖޭގެ އިތުރުން އުޒްބެކިސްތާނާއި، ކިރްގިސްތާނާއި، ތަޖިކިސްތާނާއި، ތުރުކުމެނިސްތާން އަދި އަފްޣާނިސްތާނެވެ.