2023 ގައި ރާއްޖެއަށް 15،000 އަށް ވުރެ ގިނަ ސައިކަލް އެތެރެކުރި- ކަސްޓަމްސް

ނިމިދިޔަ 2023 ވަނަ އަހަރުގައި 15،551 ސައިކަލް ރާއްޖެއަށް އެތެރެ ކޮށްފައިވާ ކަމަށް ކަސްޓަމްސްގެ ތަފާސްހިސާބުތަކުން ދައްކައިފި އެވެ.

"ސްޓެޓިސްޓިކްސް ޑޭ" އާއި ގުޅިގެން އާންމުކޮށްފައިވާ ތަފާސްހިސާބުތަކުން ދައްކާ ގޮތުގައި މިދިޔަ އަހަރު 15،551 ސައިކަލް އަދި 1،347 ކާރު ރާއްޖެ އަށް އެތެރެ ކޮށްފައިވެއެވެ. ރާއްޖެ އެތެރެކުރާ އުޅަނދުތަކުގެ ތެރެއިން ގިނަ އުޅަނދުތައް ދުއްވަނީ މާލެ ސަރަޙައްދުގަ އެވެ. އެހެންނަމަވެސް މިހާރު އަތޮޅުތެރޭގައި ދުއްވާ އެއްޗެހި ބޭނުންކުރާ ޢަދަދު ދަނީ މަތިވަމުންނެވެ.

 މާލެއާއި އެކަށީގެން ނުވާވަރަށް އުޅަނދުތައް ގިނަވެ ތޮއްޖެހޭ މައްސަލައަކީ މިހާރުން މިހާރަށްވެސް ހައްލެއް ބޭނުންވެފައިވާ ކަމެކެވެ. މި މައްސަލަ ހައްލުކުރުމަށް އެތެރެކުރެވޭ ދުއްވާ އެއްޗެހީގެ އަދަދު ކޮންޓްރޯލް ކުރުމަށް ކަމާ ގުޅޭ އިދާރާތަކުން މަޝްވަރާ ކޮށްފައިވެއެވެ. ނަމަވެސް މިހާތަނަށް މި މައްސަލައަށް ޙައްލެއް ގެނެވިފައެއް ނުވެއެވެ.