އޭއެފްސީ ޗެލެންޖް ލީގުގެ ފުރަތަމަ މެޗުން މާޒިޔާ ބަލިވެއްޖެ

ކުވެއިތުގެ އަލް ކުވެއިތް ސްޕޯޓްސް ކުލަބު ސްޓޭޑިއަމްގައި އިއްޔެ ބޭއްވުނު އޭއެފްސީ ޗެލެންޖް ލީގުގެ ގްރޫޕް ސްޓޭޖުގެ ފުރަތަމަ މެޗުގައި ޓަރކްމެނިސްތާނުގެ އަރކަދާގް ކުލަބުން ދިވެހިރާއްޖޭގެ މާޒިޔާ ސްޕޯޓްސް އެންޑް ރެކްރިއޭޝަން ކުލަބު އަތުން 2-1 އިން މޮޅުވެއްޖެއެވެ.

މެޗުގެ ފުރަތަމަ ދަނޑިވަޅުގައި މަޒިޔާއިން ކުރިއަރައިގެން ދިޔައެވެ. މެޗުގެ 45 ވަނަ މިނެޓުގައި ޖޮނަތަން ޒޮރިލާ ޖެހި ވަރުގަދަ ޝޮޓަކުން މަޒިޔާއިން ލީޑު ނެގިއެވެ. ނަމަވެސް ދެވަނަ ހާފްގައި އަރކަދާގުން މެޗުގެ ދުވެލި ބަދަލުކޮށްލިއެވެ. 67 ވަނަ މިނެޓުގައި ދިދާރު ދުރުދިޔެވް ޖެހި ގޯލުން އަރކަދާގުން އެއްވަރުކުރިއެވެ. އަދި 76 ވަނަ މިނެޓުގައި އަލްޓިމުރާޓް އަންނަދުރުދިޔެވް ޖެހި ގޯލުން އަރކަދާގުން މެޗު ކާމިޔާބުކުރިއެވެ.

ވްލަދިމީރު ބައިރަމޮވްގެ ޓީމު އަރކަދާގުން ދެން ކުޅޭނީ އޮކްޓޯބަރު 29 ގައި ކިރުގިސްތާނުގެ އަބްދިޝް-އަޓާ އާ ދެކޮޅަށެވެ. އަދި މާޒިޔާއިން ދެން ކުޅޭނީ ކުވެއިތުގެ އަލް-އަރަބީ އާ ދެކޮޅަށެވެ.