ޤައުމީ ފުޓުބޯޅަ ޓީމުގެ ކޯޗެއްގެ މަޤާމުގައި ހުރި މޯހަން ވިކްޓަރީއަށް

ދިވެހިރާއްޖޭގެ ޤައުމީ ފުޓުބޯޅަ ޓީމުގެ ކޯޗެއްގެ މަޤާމުގައި ހުރި މުޙައްމަދު ޝިޔާޒް (މޯހަން)، ވިކްޓަރީ ސްޕޯޓްސް ކްލަބްގެ ކޯޗެއްގެ މަޤާމާއި ހަވާލުވެއްޖެއެވެ.

މިކަމާ ގުޅިގެން އެ ކްލަބުން ހާމަކޮށްފައިވާ ގޮތުގައި، މޯހަން އެ ޓީމަށް ގެންދިޔައީ އަންނަ ސީޒަންގެ ނިޔަލަށް ކަމަށާއި އަދި ކުރިޔަށް އޮތް އެފްއޭ ކަޕްގައި ވެސް އެ ކްލަބަށް އިރުޝާދު ދޭނީ އޭނާ ކަމަށެވެ. 

މޯހަން އެ ޓީމަށް ގެންގޮސްފައި މިވަނީ، އެ ޓީމުގައި ކުރިން ހުރި ސްލޮވާކިއާގެ ގެލާގެ ކޮންޓްރެކްޓް ހަމަވުމާ ގުޅިގެންނެވެ.  

މޯހަންއަކީ ވިކްޓަރީގެ ވިކްޓަރީ އާއި އެންމެ ކައިރިން ވާދަކުރާ ނިއުރޭޑިއަންޓްގެ ބާނީ، ކުއީން އަހުމަދު ވަހީދުގެ ބޭފުޅެކެވެ. އަދި އޭނާ ވަނީ ނިއު އާއި އީގަލްސް އަށް ގިނަ ކާމިޔާބުތަކެއް ހޯދައިދީފައެވެ.

އޭނާއަކީ ރާއްޖޭގައި މިވަގުތު ތިބި ކޯޗުންގެ ތެރެއިން އެންމެ ކާމިޔާބު އަދި އެންމެ ތަޖުރިބާ ބޮޑު އެއް ކޯޗެވެ. މިގޮތުން އޭނާ ވަނީ 2008 ވަނަ އަހަރުގެ ސާފް ޗެމްޕިއަންޝިޕް ކާމިޔާބު ކުރި ގައުމީ ޓީމުގެ އެސިސްޓެންޓް ކޯޗުކަމާއި މިދިޔަ އަހަރު ބޭއްވި ސައުތު އޭޝިއަން ސުޕަކަޕް ކާމިޔާބުކުރި ގައުމީ ޓީމުގެ ހެޑް ކޯޗުކަން ކޮށްފައެވެ.