ރައީސުލްޖުމްހޫރިއްޔާގެ ދެކަނބަލުން، ސަޢުދީގެ ސަފީރު ދެއްވި ރޯދަވީއްލުމުގައި ބައިވެރިވެވަޑައިގެންފި

ރައީސުލްޖުމްހޫރިއްޔާގެ ދެކަނބަލުން، ސަޢުދީ ޢަރަބިއްޔާގެ ސަފީރު ދެއްވި ރޯދަވީއްލުމުގައި ބައިވެރިވެވަޑައިގެންފި އެވެ.

މިއީ، ސަޢުދީ ޢަރަބިއްޔާ ސަރުކާރުން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު، ހިޒް އެކްސަލަންސީ ޔަޙްޔާ ޙަސަން އަލްޤަޙްޠާނީ ދެއްވި ރޯދަވީއްލުމެކެވެ.

މާލޭގައި ހުންނަ ހޮޓެލް ޖެންގައި ބޭއްވި މި ރޯދަވީއްލުމުގައި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއާއި އެމަނިކުފާނުގެ އަނބިކަނބަލުން ސާޖިދާ މުޙައްމަދު ވަނީ ބައިވެރިވެވަޑައިގެންފައެވެ. ހަމަ އެއާއެކު،  ސަރުކާރުގެ އިސް މަސްޢޫލުވެރިންނާއި ރާއްޖޭގައި ތިއްބަވާ އެކި ޤައުމުތަކުގެ ޑިޕްލޮމެޓިކް މަންދޫބުން ވެސް މި ރޯދަވީއްލުމުގައި ބައިވެރިވެވަޑައިގަންނަވާފައިވާކަމަށް ރައީސުލްޖުމްހޫރިއްޔާގެ އޮފީހުން މަޢުލޫމާތުދެއެވެ.

ދިވެހިރާއްޖެ އާއި ސަޢުދީ ޢަރަބިއްޔާއަކީ ވަރަށް ގާތް ގުޅުމެއް އޮންން ދެ ޤައުމުކަމަށްވީއިރު، މި ގުޅުން އިތުރަށް ހަރުދަނާކުރުމަށް ތަފާތު އެކި ޙަރަކާތްތައް ހިންގަމުންދާކަން ފާހަގަކޮށްލެވެއެވެ.