ހިޔާވެހި ޕޯޓަލް މެދުވެރިކޮށް ހައުސިންގ ސްކީމުތަކަށް އަދި ބޯހިޔާވަހިކަމާއި ގުޅޭ ލޯން ސްކީމުތަކަށް ހުށަހަޅާނީ ކިހިނެތް؟

ހިޔާވެހި ޕޯޓަލްއަކީ ކޮބާ؟

ހިޔާވެހި ޕޯޓަލްއަކީ ސަރުކާރުގެ ބޯހިޔާވަހިކަމާއި ގުޅުންހުރި ހުރިހާ ކަންކަމަށް އޮންލައިން ޒަރީއާއިން ހުށަހަޅުމަށް ފަރުމާ ކުރެވިފައިވާ ޕޯޓަލްއެކެވެ. މިގޮތުން ، ހައުސިންގ ޕްރޮފައިލް ފުރިހަމަކުރުން ، ހައުސިންގ ސްކީމްތަކަށް ހުށަހަޅުން ، ބޯހިޔާވަހިކަމުގެ ލޯނުތަކަށް ހުށަހަޅުން އަދި ބޯހިޔާވަހިކަމާއި ގުޅުންހުރި ޝަކުވާ ހުށަހެޅުން ފަދަ ހުރިހާކަމެއް މިޕޯޓަލް މެދުވެރިކޯސް ކުރެވޭނެއެވެ.

ހިޔާވެހި ޕޯޓަލްއަށް ލޮގިންވާނީ ކިހިނެއް؟

ހިޔާވެހި ޕޯޓަލްގައި ރަޖިސްޓްރީ ވުމަށް ކޮންމެ ބޭފުޅަކުވެސް އީފާސް މެދުވެރިކޮށް ލޮގިން ވެލަން ޖެހޭނެއެވެ. ލޮގިން ވުމަށްފަހު އެންމެ ފުރަތަމަ ކުރަން ޖެހޭ ކަމަކީ އެބޭފުޅެއްގެ ހައުސިންގ ޕްރޮފައިލް ފުރިހަމަ ކުރުމެވެ. ހައުސިންގ ޕްރޮފައިލް ފުރިހަމަވެ ވެރިފައިވުމާއެކު ހައުސިންގ ސްކީމު ނުވަތަ ލޯން ސްކީމުތަކަށް ޝަރަތުހަމަވާ ސްކީމްތައް ފެނިގެންދާނެއެވެ. ޝަރުތުހަމަވާ ސްކީމުތަކަށް ފޯމު ހުށައެޅުމަށް ފުރުސަތު ލިބިގެންދާނެއެވެ. އަދި ހައުސިން ދަފްތަރުގައި އެފަރާތެއްގެ ނަން ޝަރުތުހަމަވާނަމަ ހިމެނޭނެއެވެ.

ހައުސިންގ ޕްރޮފައިލްގަ ހިމެނެނީ ކޮން މަޢުލޫމާތެއް؟

ހައުސިންގ ޕްރޮފައިލްގައި ހިމެނެނީ އެ ބޭފުޅެއްގެ ޒާތީ އަދި އާއިލާ ، ގޯތި ގެދޮރު ، އާމްދަނީ އަދި ހަރަދުތައް ، ދިރިއުޅޭ ތަނުގެ ހާލަތު ، ހާއްސަ އެހީ ނުވަތަ އިޖުތިމާއީ ރައްކާތެރިކަންކަމާއި ގުޅޭ މައުލޫމާތުތަކެވެ. މި ޕްރޮފައިލް ފުރިހަމަކުރެއްވުމުން ސްކީމުތަކަށް ހުށަހަޅުއްވާއިރު އެ މައުލޫމާތުތަށް އަލުން ހުށަހަޅަން ނުޖެހި  ފަސޭހަކަމާއެކު ސްކީމުތަކަށް ހުށަހެޅުމަށް މަގުފަހިވެގެންދެއެވެ. 

ހައުސިންގ ދަފްތަރަކީ ކޮބާ؟

ހައުސިންގ ދަފްތަރަކީ ދިވެހިރާއްޖޭގައި ބޯހިޔާވަހިކަން ބޭނުންވާ ހުރިހާ ފަރާތްތައް ހިމެނޭ ލިސްޓެކެވެ. ހައުސިންގ ދަފްތަރުގައި ހިމެނޭނީ ހައުސިންގ ޕޮރްފައިލް ފުރިހަމަކުރެއްވުމަށްފަހު، ފުރިހަމަކުރައްވާފައިވާ މައުލޫމާތުތައް ވެރިފައިކުރުމުންނެވެ. ހައުސިންގ ތަރައްޤީ ކުރުމުގައި މި ދަފްތަރަށް ރިއާއަތްކޮށް ރައްޔިތުންނަށް އެންމެ އެކަށީގެންވާ ހައުސިންގ ސްކީމްތައް ތާއަރަފްކުރުމަށް މަގުފަހިވެގެންދާނެއެވެ.