ޢަބްދުﷲ ޖަލީލްގެ ޢާއިލާއަށް ރައީސް ތައުޒިޔާ ފޮނުއްވަވައިފި

ދިވެހި ދައުލަތަށް 46 އަހަރަށްވުރެ ދިގު މުއްދަތަކަށް ޚިދުމަތްކުރެއްވި ހއ. ތުރާކުނު، ނޫރަންވިލާ ޢަބްދުﷲ ޖަލީލް އަވަހާރަވުމާ ގުޅިގެން، އެ މަރްޙޫމްގެ ޢާއިލާއަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ތަޢުޒިޔާ ފޮނުއްވައިފިއެވެ.

ރައީސުލްޖުމްހޫރިއްޔާ ފޮނުއްވި ތަޢުޒިޔާގެ މެސެޖުގައި، މަރްޙޫމްގެ ޢާއިލާއަށާއި ތުރާކުނުގެ ލޮބުވެތި ރައްޔިތުންނަށް ކުރިމަތިވި މި ހިތާމައިގައި ބައިވެރިވެވަޑައިގެން، ކެތްތެރިކަން ދެއްވުން އެދިވަޑައިގެންފައިވެއެވެ.

ޢަބްދުﷲ ޖަލީލަކީ ތުރާކުނު ކުޑަކަތީބުކަމާއި ކަތީބުކަން ފަދަ މުހިންމު މަޤާމުތައް ފުރުއްވައި، ރަށުގެ ތަރައްޤީއަށާއި ރައްޔިތުންނަށް ގިނަގުނަ ޚިދުމަތްތަކެއް ކޮށްދެއްވާފައިވާ ބޭފުޅެކެވެ. އޭނާ ވަނީ ދައުލަތުގެ އެކި މުއައްސަސާތަކުގައި ދިގު މުއްދަތަކަށް އިޚްލާޞްތެރިކަމާއެކު މަސައްކަތްކުރައްވާފައެވެ.

<blockquote class="twitter-tweet"><p lang="dv" dir="rtl">إِنَّا لِلَّٰهِ وَإِنَّا إِلَيْهِ رَاجِعُونَ<br><br>46 އަހަރަށްވުރެ ދިގު މުއްދަތަކަށް ދިވެހި ދައުލަތަށް ޚިދުމަތްކުރައްވައި ހއ.ތުރާކުނު ކުޑަކަތީބުކަމާއި ކަތީބުކަންވެސް ކުރެއްވި، އެރަށު ނޫރަންވިލާ ޢަބްދުﷲ ޖަލީލް އަވަހާރަވުމުގެ ހިތާމައިގައި މަރްޙޫމްގެ ޢާއިލާއަށާައި ތުރާކުނުގެ ލޮބުވެތި… <a href="https://t.co/xWVcjyzwmk">pic.twitter.com/xWVcjyzwmk</a></p>&mdash; Dr Mohamed Muizzu (@MMuizzu) <a href="https://twitter.com/MMuizzu/status/2057096874189111694?ref_src=twsrc%5Etfw">May 20, 2026</a></blockquote> <script async src="https://platform.twitter.com/widgets.js" charset="utf-8"></script>

ރައީސުލްޖުމްހޫރިއްޔާގެ މެސެޖު ނިންމަވާލައްވާފައިވަނީ "މާތްﷲގެ ތަނަވަސް ރަޙްމަތުގައި، ސުވަރުގޭގެ ދާއިމީ ނިޢުމަތުގައި މަރްޙޫމް ޢަބްދުﷲ ޖަލީލް ލައްވާށި. އާމީން" މިފަދައިން ދުޢާ ކުރައްވަމުންނެވެ.