އުރުދުންގެ މިނިވަން ދުވަހުގެ މުނާސަބަތުގައި ރައީސުލްޖުމްހޫރިއްޔާ ތަހުނިޔާ ފޮނުއްވައިފި

އުރުދުންގެ މިނިވަން ދުވަހުގެ އުފާވެރި މުނާސަބަތުގައި، އެ ގައުމުގެ ރަސްގެފާނު ޢަބްދުﷲ ދެވަނައަށާއި ބޮޑުވަޒީރު ޖައުފަރު ޙައްސާނަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ތަހުނިޔާ ފޮނުއްވައިފިއެވެ.

މި މުނާސަބަތާއި ގުޅިގެން ރައީސް އެކްސްގައި ކުރެއްވި ޕޯސްޓެއްގައި، އުރުދުންގެ ސަރުކާރަށާއި އެކުވެރި ރައްޔިތުންނަށް ދުވަހުގެ އިޚްލާޞްތެރި ތަހުނިޔާ ވަނީ ރައްދުކުރައްވާފައެވެ. އަދި މި އުފާވެރި މުނާސަބަތަކީ އުރުދުންގެ ރައްޔިތުންގެ މެދުގައި އޮތް އެއްބައިވަންތަކަން އިތުރަށް ވަރުގަދަވެ، އެ ގައުމަށް ދެމެހެއްޓެނިވި ކުރިއެރުމާއި ކާމިޔާބީ ލިބިގެންދާނެ ދުވަހެއްގެ ގޮތުގައި އެމަނިކުފާނު ސިފަކުރެއްވިއެވެ.

ރައީސްގެ މެސެޖުގައި އިތުރަށް ވިދާޅުވީ، ދިވެހިރާއްޖެއާއި އުރުދުންއާ ދެމެދު އޮތީ އިސްލާމީ އުޚުއްވަތްތެރިކަމުގެ މަތިވެރި ގުޅުމެއް ކަމަށެވެ. އަދި ދެ ގައުމުގެ މެދުގައި އޮތް ގާތް ގުޅުމަކީ އެއްބަޔަކު އަނެއްބަޔަކަށް ކުރާ އިޙްތިރާމާއި، އެއްބާރުލުމާއި، ހުޅުވާލެވިފައިވާ މަޝްވަރާތަކުގެ މައްޗަށް ބިނާވެފައިވާ ގުޅުމެއްކަން އެމަނިކުފާނު ފާހަގަކުރެއްވިއެވެ.

It gives me great pleasure to convey my sincere felicitations to His Majesty @KingAbdullahII, His Excellency Prime Minister @JafarHassan, the Government and the brotherly people of Jordan on their Independence Day. May this joyous occasion strengthen the unity among the people… pic.twitter.com/9aQVkhB3Og

— Dr Mohamed Muizzu (@MMuizzu) May 25, 2026

މީގެ އިތުރުން، ކުރިއަށް އޮތް ތަނުގައިވެސް ދެ ގައުމުގެ ލާބައާއި މަންފާއަށްޓަކައި މި ގުޅުން އިތުރަށް ބަދަހިވެގެންދާނެ ކަމަށް އުންމީދު ކުރައްވާ ކަމަށް ރައީސުލްޖުމްހޫރިއްޔާ ވިދާޅުވިއެވެ. އުރުދުންގެ މިނިވަން ދުވަސް ފާހަގަކުރަނީ އިނގިރޭސިންގެ އިސްތިޢުމާރުގެ ދަށުން އެ ގައުމަށް މިނިވަންކަން ލިބުނު ދުވަހުގެ ހަނދާން އާކުރުމުގެ ގޮތުންނެވެ. ދިވެހިރާއްޖެއާއި އުރުދުންއާ ދެމެދު އަބަދުވެސް އޮންނަނީ ބައިނަލްއަޤްވާމީ މައިދާނުގައި އެކަކު އަނެކަކަށް އެއްބާރުލުންދޭ، އެކުވެރި ގުޅުމެކެވެ.

މީގެ އިތުރުން، ކުރިއަށް އޮތް ތަނުގައިވެސް ދެ ގައުމުގެ ލާބައާއި މަންފާއަށްޓަކައި މި ގުޅުން އިތުރަށް ބަދަހިވެގެންދާނެ ކަމަށް އުންމީދު ކުރައްވާ ކަމަށް ރައީސް ވިދާޅުވިއެވެ.

އުރުދުންގެ މިނިވަން ދުވަސް ފާހަގަކުރަނީ އިނގިރޭސިންގެ އިސްތިޢުމާރުގެ ދަށުން އެ ގައުމަށް މިނިވަންކަން ލިބުނު ދުވަހުގެ ހަނދާން އާކުރުމުގެ ގޮތުންނެވެ. ދިވެހިރާއްޖެއާއި އުރުދުންއާ ދެމެދު އަބަދުވެސް އޮންނަނީ ބައިނަލްއަޤްވާމީ މައިދާނުގައި އެއްބަޔަކު އަނެއްބަޔަކަށް އެއްބާރުލުންދޭ، އެކުވެރި ހެހާމެ ބަދަހި ގުޅުމެކެވެ.

އަދުގެ ރައީސުލްޖުމުހޫރިއްޔާ ޑރ މުޙައްމަދު މުޢިއްޒުގެ ސަރުކާރުން ދަނީ ކުޑަ ގައުމެއް ބޮޑު ގައުމެއް ނުބަލާ ދިވެހިރާއްޖޭގެ މިނިވަންކަމާއި އިސްތިގުލާލަށް ބުރޫ ނާރާގެ ފަދަ ގޮތަކަށް ގުޅުން ބަދަހި ކުރަމުންނެވެ.