އެކުވެރި ދަޢުލަތްތަކުގެ އާއްމު މަޖިލީހުގެ އާ ރައީސަށް ރައީސުލްޖުމްހޫރިއްޔާ މަރުޙަބާ ދަންނަވައިފި

އެކުވެރި ދަޢުލަތްތަކުގެ އާއްމު މަޖިލީހުގެ އާ ރައީސަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު މަރުޙަބާ ދަންނަވައިފިއެވެ.

އެ މަޖިލީހުގެ 81ވަނަ ދައުރުގެ އައު ރައީސަކަށް އިންތިޚާބުވެފައި ވަނީ ބަނގުލަދޭޝްގެ ޚާރިޖީ ވަޒީރު، ހިޒް އެކްސެލެންސީ ޑރ. ޚަލީލުއް ރަޙްމާންއެވެ. 

ރައީސުލްޖުމްހޫރިއްޔާގެ މެސެޖުގައި ވިދާޅުވީ، ޑރ. ޚަލީލުއް ރަޙްމާންގެ ލީޑަރޝިޕްގެ ދަށުން އ.ދ.ގެ މެންބަރު ޤައުމުތަކުގެ ޙައްޤުގައި މުހިންމު މަސައްކަތްތަކެއް ކޮށްދެއްވާނެކަމަށް ޔަޤީންކުރައްވާ ކަމަށެވެ. 

Warm congratulations to His Excellency Dr Khalilur Rahman, Foreign Minister of Bangladesh, on his election as the President of the 81st session of the #UNGA. I wish you every success in this important role.

I am confident that under your able leadership, the General Assembly…

— Dr Mohamed Muizzu (@MMuizzu) June 2, 2026

އ.ދ.ގެ އާއްމު މަޖިލީހުގެ އައު ރައީސަކަށް ޑރ. ޚަލީލުއް ރަޙްމާން އިންތިޚާބުކުރީ މިއަދުއެވެ. އަދި އެ މަނިކުފާނުގެ ދައުރު ފެށޭނީ މިއަންނަ ސެޕްޓެންބަރު މަހުއެވެ.

އ.ދ.ގެ އާއްމު މަޖިލީހުގެ ރައީސްގެ ދައުރަކީ އެއް އަހަރެވެ.