ބައިވެރިޔާއާ މައްސަލަޖެހި މާޔޫސްވެފައި އިން ގޮރިއްލާ އާންމުންގެ ސަމާލުކަމަށް

ޖަޕާނުގެ ޒުލެއްގައި އުޅޭ އުމުރުން 13 އަހަރުގެ ގޮރިއްލާއެއް، އޭނާގެ އަންހެން ބައިވެރިޔާއާ ޖެހުނު މައްސަލައަކަށްފަހު ވަރަށް ބޮޑަށް ފިކުރުބޮޑުވެ، މާޔޫސްވެފައި އިން މަންޒަރު ފެންނަ ވީޑިއޯއެއް މީސްމީޑިއާގައި ވަރަށް ބޮޑަށް ވައިރަލްވެއްޖެއެވެ.

ކިޔޮމާސާގެ ނަމުން ނަންދެވިފައިވާ މި ގޮރިއްލާއަކީ ދުނިޔޭގެ މަޝްހޫރު ސިލްވަރބެކް ގޮރިއްލާ "ޝަބާނީ"ގެ ދަރިއެކެވެ. އާންމުވެފައިވާ ވީޑިއޯއިން ފެންނަ ގޮތުގައި، ކިޔޮމާސާ އާއި އޭނާގެ ބައިވެރިޔާއާ ދެމެދު ކޮންމެވެސް ކަމަކާ މައްސަލައެއް ޖެހި، އަންހެން ގޮރިއްލާ އޭނާގެ ފަހަތުން ދުވާ މަންޒަރު ފެނެއެވެ. ނަމަވެސް، ގިނަ ބައެއްގެ ސަމާލުކަން ހުއްޓުނީ މި ހާދިސާއަށްފަހު ކިޔޮމާސާ އިން ގޮތަށެވެ.

އެހެން ގޮރިއްލާތަކާ ވަކިން އެކަނިމާއެކަނި އިށީނދެގެން އިން އިރު، އޭނާ އިނީ ވަރަށް ފުން ފިކުރެއްގެ ތެރެއަށް ގެއްލިފައެވެ. އެސޮރުގެ މޫނުމަތިން ފެންނަނީ ދިރިއުޅުމާ މެދު މާޔޫސްވެ، ކުރެވުނު ކަންތައްތަކާ މެދު ފުންކޮށް ވިސްނަމުންދާ އިންސާނެއްގެ މޫނުމަތިން ފެންނާނެ ފަދަ އަސަރުތަކެކެވެ.

މި ވީޑިއޯއަށް ކޮމެންޓު ކުރި ގިނަ ފިރިހެނުން ބުނެފައިވަނީ، ކިޔޮމާސާގެ އެހެން އިނުމުން އެމީހުންނަށް އަމިއްލަ ނަފްސު ސިފަވާ ކަމަށާއި، ބައިވެރިޔާއާ މައްސަލައެއް ޖެހުމުން އިހުސާސް ކުރެވޭ ގޮތް އެ ގޮރިއްލާގެ ފަރާތުން ވަރަށް ފުރިހަމައަށް ފެންނަ ކަމަށެވެ.

ގޮރިއްލާއަކީ އާންމުކޮށްވެސް އިންސާނުންނާ ވަރަށް އެއްގޮތް ސިފަތަކެއް ހުންނަ ޖަނަވާރެކެވެ. ނަމަވެސް، ކިޔޮމާސާގެ މި އާދަޔާ ހިލާފު "އިންސާނީ" އިހުސާސްތަކުގެ ސަބަބުން، މިއީ ޖަނަވާރުންގެ ދުނިޔޭގައި ހިނގި މަޖާ އަދި އެހާމެ ފުން އަސަރުތަކެއް އެކުލެވޭ ހާދިސާއަކަށް ވަނީ ވެފައެވެ.

En japon, el gorila kiyomasa se peleo con su mujer
Lo echo de su guarida del zoologico
Y despues lo captaron sentado replanteandose la vida pic.twitter.com/MaCcarWUZ4

— ElBuni (@therealbuni) June 9, 2026