"ކޮންމެ ބޮޑު ދަތުރަކީވެސް އެޅޭ ފުރަތަމަ ފިޔަވަޅުން ފެށޭ ކަމެއް" - ރައީސް

ކޮންމެ ބޮޑު ކާމިޔާބީއަކަށް ކުރާ ދަތުރަކީވެސް އެޅޭ ފުރަތަމަ ފިޔަވަޅުން ފެށޭ ކަމެއް ކަމަށާއި، އެގޮތުން ޒުވާން އެތުލީޓުންނާއި ކުރިއަރަން ބޭނުންވާ ފަރާތްތަކުން އެކަން ގަބޫލުކޮށް، ސާބިތުކަމާއެކު ހިތްވަރުލައިގެން މަސައްކަތް ކުރުމަށް ރައީސުލްޖުމުހޫރިއްޔާ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

މިއަދު ފާހަގަކުރަމުންދާ ބައިނަލްއަގުވާމީ އޮލިމްޕިކް ދުވަހުގެ މުނާސަބަތުގައި، ރައީސް އެކްސްގައި ކުރެއްވި ޕޯސްޓެއްގައި ވިދާޅުވީ ކޮންމެ ބޮޑު ކާމިޔާބީއަކަށް ކުރާ ދަތުރަކީވެސް އެޅޭ ފުރަތަމަ ފިޔަވަޅުން ފެށޭ ކަމެއް ކަމަށެވެ. އެގޮތުން، ޒުވާން އެތުލީޓުންނާއި ކުރިއަރަން ބޭނުންވާ ފަރާތްތަކުން އެކަން ގަބޫލުކޮށް، ސާބިތުކަމާއެކު ހިތްވަރުލައިގެން މަސައްކަތް ކުރުމަށް އެމަނިކުފާނު ބާރުއެޅުއްވިއެވެ.

As we celebrate Olympic Day, we honour the athletes, coaches, and young dreamers who remind us that greatness begins with determination, exceptional self-discipline, and remarkable courage.

Today is a powerful reminder that every journey starts with a single step. We remain… pic.twitter.com/Tp0lfX3lC5

— Dr Mohamed Muizzu (@MMuizzu) June 23, 2026

މިއަދުގެ މެސެޖުގައި ރައީސް ވަނީ ކުޅިވަރުގެ ދާއިރާއިން ފާހަގަކޮށްލެވޭ ކާމިޔާބީތައް ހޯދަމުންދާ އެތުލީޓުންނާއި، އެ އެތުލީޓުން ތަމްރީނުކޮށްދޭ ކޯޗުންގެ މަސައްކަތް ފާހަގަކުރައްވައި އެފަރާތްތަކަށް އިހުތިރާމް އަދާކުރައްވާފައެވެ. ކުޅިވަރުގެ މައިދާނުގައި ކާމިޔާބީ ހޯދުމުގެ އަސްލަކީ ވަރުގަދަ އަޒުމާއި، ނަމޫނާ އަހުލާގާއި، އަދި ނުގުޑާފަދަ ހިތްވަރުކަން އެމަނިކުފާނު ފާހަގަކުރެއްވިއެވެ.

ޒުވާނުންނަށް ކުޅިވަރުގެ ފުރުސަތުތައް ފަހިކޮށްދިނުމަކީ ސަރުކާރުގެ މުހިންމު އަމާޒެއްކަން ހާމަކުރައްވަމުން ރައީސް ވިދާޅުވީ، ކުޅިވަރާއި ހަރަކާތްތެރި ދިރިއުޅުމެއްގެ ތެރެއިން ޒުވާނުންގެ ކިބައިގައި އަމިއްލަ ނަފްސަށް އޮންނަ އިތުބާރު ބޮޑުވެ، ކަންކަމުގައި ކެތްތެރިކަމާއެކު ދެމިހުރުމުގެ ސިފަ އަށަގަންނާނެ ކަމަށެވެ.

ރައީސުލްޖުމްހޫރިއްޔާގެ މެސެޖު ނިންމަވާލެއްވީ، ކުޅިވަރުގެ ޒަރީއާއިން ރާއްޖޭގެ ޒުވާނުން ބާރުވެރިވެ، ގައުމުގެ ކުރިއެރުމަށް މަގުފަހިވެ، ދުނިޔޭގެ އެކި ގައުމުތަކާއި ރައްޔިތުންގެ މެދުގައި އެކުވެރިކަމުގެ ބަދަހި ގުޅުންތަކެއް އުފެދިގެންދިއުމަށް އެދިވަޑައިގަންނަވަމުންނެވެ.