އާސަންދައިން އައިޔޫއައި ފަރުވާ އަށް އެދޭނީ ކިހިނެއް؟

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ދިވެހިރާއްޖޭގައި އާސަންދައިގެ ދަށުން އައި.ޔޫ.އައި (އިންޓްރާޔޫޓެރައިން އިންސެމިނޭޝަން) ފަރުވާއަށް އެދި ހުށަހެޅޭނެ މަގު ވަނީ ތަނަވަސްކޮށްދެއްވާފައެވެ.

އައި.ޔޫ.އައި އަކީ ދަރިމައިވުމަށް އުނދަގޫވާ ފަރާތްތަކަށް ދެވޭ ފަރުވާއެކެވެ. މި ފަރުވާގައި "ސްޕަރމް" ( ނުވަތަ ދަރިފަނި )  އަންހެންހެންމީހާގެ ރަހިމަށް ފޯރުކޮށްދިނުމުގެ ސަބަބުން ދަރިމައިވުމުގެ ފުރުސަތު އިތުރުވެގެންދެއެވެ. ދިވެހިރާއްޖޭގައި އާސަންދައިގެ ދަށުން މި ފަރުވާ ވަކި އުސޫލުތަކެއްގެ މަތިން ލިބެން ހުރެއެވެ. ތިރީގައި މިވަނީ މި ފަރުވާއަށް އެދި ހުށަހަޅާނެ ގޮތުގެ ތަފްސީލެވެ:

އައި.ޔޫ.އައި ފަރުވާއަށް އެދި ހުށަހަޅާނެ ގޮތް:

1. ބޭނުންވާ ލިޔެކިޔުންތައް ތައްޔާރުކުރުން:
   އައިޔޫއައި ފަރުވާއަށް އެދުމަށް އަންނަނިވި ލިޔުންތައް ހުށަހަޅަންވާނެއެވެ:

• ޑޮކްޓަރުގެ ލަފާ: އައި.ޔޫ.އައި ފަރުވާ ބޭނުންވާކަން ކަށަވަރުކޮށްދޭ ލިޔުން.
  
• ކައިވެނީގެ ސެޓްފިކެޓް: ކައިވެނިކޮށްގެން އުޅޭ ދެމަފިރިންކަން ކަށަވަރުކުރުމަށް.
  
• ދިވެހި ރައްޔިތެއްކަން އަންގައިދޭ ކާޑު: ދެމަފިރިންގެ އައިޑީ ކާޑު.
  
• ކުށުގެ ރެކޯޑް ފޯމު: ޤާނޫނީ ގޮތުން ޝަރުތު ފުރިހަމަވާކަން ކަށަވަރުކުރުމަށް.

2. ލިޔެކިޔުންތައް ހުށަހެޅުން:
   އަންނަނިވި ގޮތްތަކުންކުރެ ގޮތަކަށް ލިޔެކިޔުންތައް ހުށަހެޅިދާނެއެވެ:

• އާސަންދަ ޕޯޓަލް މެދުވެރިކޮށް އަޕްލޯޑްކުރުން.
  
• އާސަންދަ ކައުންޓަރަކަށް ގެންގޮސް ހަވާލުކުރުން.
• [email protected] އަށް އީމެއިލް ކުރުން.

3. ހުއްދައަށް އިންތިޒާރުކުރުން:
ލިޔެކިޔުންތައް ހުށަހެޅުމުން އާސަންދައިން އެޕްލިކޭޝަން ޕްރޮސެސްކުރާނެއެވެ. ލަސްވިޔަ ނުދިނުމަށް ހުރިހާ ލިޔެކިޔުމެއް ފުރިހަމަކަން ކަށަވަރުކުރަންވާނެއެވެ.

މި ލިޔެކިޔުންތައް ބޭނުންވާ ސަބަބު:

• ޑޮކްޓަރުގެ ލަފާ: ފަރުވާ ބޭނުންވާކަން ޞިއްޙީގޮތުން ކަށަވަރުކުރުމާއި ޞއްޙީ ޙާލަތު ދެނެގަތުން
  
• ކައިވެނީގެ ސެޓްފިކެޓް: ދިވެހިރާއްޖޭގެ ޤާނޫނުގެ ދަށުން މި ފަރުވާ ހޯދުމަށް ޝަރުތު ހަމަވާކަން ކަށަވަރުކުރުމަށް.
  
• އައިޑީ ކާޑު: ރަސްމީ ކާކުކަން އަންގައިދިނުމަށާއި އާސަންދައިގެ ޚިދުމަތް ލިބުމުގެ ޝަރުތު ހަމަވާކަން ކަށަވަރުކުރުމަށް.
  
• ކުށުގެ ރެކޯޑް ފޯމު: ފަރުވާ ހޯދާ ފަރާތްތަކުތަކުގެ ޤާނޫނީ އަދި އަޚްލާޤީ މިންގަނޑުތައް ފުރިހަމަވާކަން ކަށަވަރުކުރުމަށް.

އިތުރު ލަފާ:

• ހުށަހެޅުމުގެ ކުރިން ހުރިހާ ލިޔެކިޔުމެއް ރަނގަޅަށް ޗެކްކުރުން.
  
• މި ޕްރޮސެސްގައި އެއްވެސް ދަތިކަމެއް ދިމާވެއްޖެނަމަ 1400 އަށް ގުޅައިގެން އާސަންދައިގެ އެހީތެރިކަން ހޯދުން.

ޙިދުމަތާއި ގުޅޭގޮތުން އެނގުން  މުހިންމު ނުކުތާތައް:

1. ޚަރަދުތަކާ ގުޅޭ މަޢުލޫމާތު:

• އާސަންދައިގެ ދަށުން ކަވަރުކޮށްދޭ މިންވަރު އޮޅުންފިލުވުން.
  
• އަމިއްލައަށް ދައްކަންޖެހޭ  އެއްވެސް އަދަދެއް ވޭތޯ ކަށަވަރުކުރުން.

2. ފަރުވާގެ މުއްދަތު:

• އާންމުކޮށް ފަރުވާ ނަގާ މުއްދަތު އޮޅުންފިލުވުން.
  
• ފަރުވާ ފެށުމާއި ނިމުމާ ދެމެދު ހޭދަވާނެ ވަގުތު ދެނެގަތުން.

3. އިތުރު މެޑިކަލް ޓެސްޓުތައް:

• ފަރުވާ ފެށުމުގެ ކުރިން ހަދަންޖެހޭ އިތުރު ޓެސްޓުތަކެއް ހުރިތޯ ބެލުން.
  
• މި ޓެސްޓުތަކުގެ ޚަރަދު އާސަންދައިން ކަވަރުކުރޭތޯ ޔަޤީންކުރުން.

4. ފަރުވާގެ ފަހުގެ ބައްދަލުވުންތައް:

• ފަރުވާ ލިބުމަށްފަހު ޑޮކްޓަރާ ބައްދަލުކުރަންޖެހޭ މިންވަރު އޮޅުންފިލުވުން.
  
• މި ބައްދަލުވުންތަކުގެ ޚަރަދު އާސަންދައިން ކަވަރުކުރޭތޯ ބެލުން.

5. ސައިޑް އިފެކްޓްތަކާއި ރިސްކުތައް:

• ފަރުވާގެ ސަބަބުން ކުރިމަތިވެދާނެ ސައިޑް އިފެކްޓްތަކާ ބެހޭ މަޢުލޫމާތު ހޯދުން.
  
• ފަރުވާގައި ހިމެނޭ ރިސްކުތަކާ ބެހޭގޮތުން ޑޮކްޓަރާ މަޝްވަރާކުރުން.

6. ކާމިޔާބުވުމުގެ ނިސްބަތް:

• އައި.ޔޫ.އައި ފަރުވާގެ ކާމިޔާބުވުމުގެ ނިސްބަތް އޮޅުންފިލުވުން.
  
• އުމުރާއި އެހެނިހެން ކަންކަމުގެ ސަބަބުން ކާމިޔާބުވުމުގެ ނިސްބަތަށް އަންނާނެ ބަދަލުތައް ދެނެގަތުން.

7. އޮޕްޝަނަލް ޚިދުމަތްތައް:

• ފަރުވާއާ ގުޅިގެން ލިބެންހުރި އިތުރު ޚިދުމަތްތަކެއް ހުރިތޯ ބެލުން (މިސާލަކަށް: ކައުންސެލިންގ).
  
• މި އިތުރު ޚިދުމަތްތަކުގެ ޚަރަދު އާސަންދައިން ކަވަރުކުރޭތޯ ޔަޤީންކުރުން.