އެމްއެންޔޫގައި ދިވެހި ފޮރ ޕްރޮފެޝަނަލްސް މާއްދާ ކިޔަވަމުން އަންނަ ދަރިވަރުން "ދިވެހި ދުވަސް" ކުލަގަދަކޮށް ފާހަގަކޮށްފި

ދިވެހިރާއްޖޭގެ ޤައުމީ ޔުނިވަރސިޓީގެ ފެކަލްޓީ އޮފް އާޓްސްގައި "ދިވެހި ފޮރ ޕްރޮފެޝަނަލްސް" މާއްދާ ކިޔަވަމުން އަންނަ ދަރިވަރުން ކޮންމެ ސެމިސްޓަރަކުވެސް ފާހަގަކުރަމުން އަންނަ "ދިވެހި ދުވަސް" ވަރަށް ކުލަގަދަ ހަރަކާތްތަކަކާއެކު ފާހަގަކޮށްފިއެވެ.

އެމްއެންޔޫއިން ވިދާޅުވީ، މި ހަރަކާތްތަކަކީ ދަރިވަރުންގެ ހިތްތަކުގައި މާދަރީ ބަހަށް އޮންނަ ލޯބި އިތުރުކުރުމާއި، ދިވެހި ބަހުގެ އެކި ފަންނުތަކާއި ހުނަރުތައް ދިރުވައި އާލާކުރުމުގެ މަޤްސަދުގައި ކުރިއަށްގެންދިޔަ ހަރަކާތެއް ކަަމަށެވެ. މި ދުވަސް ފާހަގަކުރުމަށް ބޭއްވި ހަރަކާތްތަކުގައި ތަފާތު 9 ކޯހަކުން ޖުމުލަ 215 ދަރިވަރަކު ބައިވެރިވެފައިވެއެވެ.

ކޮންމެ ސެމިސްޓަރަކު ފެކަލްޓީ އޮފް އާޓްސްގެ "ދިވެހި ފޮރ ޕްރޮފެޝަނަލްސް" މާއްދާ ކިޔަވަމުން އަންނަ ދަރިވަރުން ފާހަގަކުރަމުން އަންނަ "ދިވެހި ދުވަސް" ވަރަށް ކުލަގަދަ ހަރަކާތްތަކަކާ އެކު ދިވެހިރާއްޖޭގެ ޤައުމީ ޔުނިވަރސިޓީގައި ފާހަގަކޮށްފި. ދަރިވަރުންގެ ހިތްތަކުގައި މާދަރީ ބަހަށް ލޯބި… pic.twitter.com/w5I1Q3iDlL

— The Maldives National University (@MNUedu) September 28, 2026

މި ހަރަކާތް ކުރިއަށް ގެންދިޔައީ "ފަތުރުވެރިކަމާއި ދިވެހިވަންތަކަން" މި ތީމުގެ ދަށުންނެވެ. މި ހަރަކާތުގައި ދަރިވަރުންނަށް ހުޅުވާލައިގެން ތަފާތު 8 މުބާރާތެއް ބާއްވާފައިވާކަމަށް އެމްއެންޔޫއިން ވިދާޅުވެއެވެ. މި މުބާރާތްތަކުގައި ދަރިވަރުން ބައިވެރިވެ ވާދަކޮށްފައިވަނީ ދިވެހިރާއްޖޭގެ ސަޤާފަތް ރަމްޒުކޮށްދޭ ސަޤާފީ ހެދުމުގައެވެ.

މި ދުވަހުގެ ހުރިހާ ހަރަކާތްތަކެއްގައިވެސް ދަރިވަރުން ބައިވެރިވެފައިވަނީ ނުހަނު ބޮޑު ޝައުޤުވެރިކަމަކާއި ޖޯޝާއެކު ކަމަށް އެމްެއެންޔޫއިން ވިދާޅުވެއެވެ.