ރާއްޖެއާއި ކިއު.އެން.ބީ އާ ދެމެދު މާލީ އެއްބާރުލުން އިތުރުކުރުމަށް މަޝްވަރާކޮށްފި

ދިވެހިރާއްޖެއާއި ގަތަރު ނޭޝަނަލް ބޭންކް (ކިއު.އެން.ބީ) އާ ދެމެދު މާލީ އަދި އިންވެސްޓްމަންޓްގެ ދާއިރާއިން ގުޅުން ބަދަހިކުރުމާ ގުޅޭގޮތުން މުހިންމު މަޝްވަރާތަކެއް ބާއްވައިފިއެވެ.

ދޯހާގައި ބޭއްވުނު މި ބައްދަލުކުރެއްވުމުގައި މައިގަނޑު ގޮތެއްގައި އަލިއަޅުއްވާލައްވާފައިވަނީ ދެފަރާތުގެ ދެމެދުގައިވާ މާލީ އެއްބާރުލުން އިތުރަށް ހަރުދަނާކުރުމަށާއި ރާއްޖޭގެ ތަރައްގީއަށް މުހިންމު ދާއިރާތަކުން އިންވެސްޓްމަންޓް ފުރުސަތުތައް ފަހިކުރުމުގެ މައްޗަށެވެ. މީގެއިތުރުން ތަރައްގީގެ އެކި މަޝްރޫއުތަކުގައި ޕާޓްނަރޝިޕް ގާއިމުކުރުމާ ގުޅޭގޮތުން ވެސް ފުޅާ ދާއިރާއެއްގައި ވަނީ ހިޔާލު ބަދަލުކުރައްވާފައެވެ.

Minister of Finance and Public Enterprises H.E. Hassan Zareer met with H.E. Abdulla Mubarak Al-Khalifa, Group Chief Executive Officer of the Qatar National Bank in Doha.

The meeting focused on strengthening financial cooperation and exploring opportunities for investment and… pic.twitter.com/swH9gxCojm

— Ministry of Finance and Public Enterprises (@MoFmv) September 29, 2026

ހަމައެއާއެކު ދިވެހިރާއްޖެއާއި ގަތަރާ ދެމެދު އޮތް އިގްތިސާދީ ގުޅުން އިތުރަށް ބަދަހިކޮށް ދެމެހެއްޓެނިވި އަދި ދިގު މުއްދަތުގެ އިގުތިސާދީ ކުރިއެރުމެއް ހޯދުމަށްޓަކައި ދެގައުމު ގުޅިގެން މަސައްކަތްކުރެވިދާނެ ދާއިރާތަކާ ގުޅޭގޮތުން ވެސް ދެބޭފުޅުން ވަނީ މަޝްވަރާކުރައްވާފައެވެ.

މި މަޝްވަރާތައް ކުރިއަށްދިޔައީ މާލީ ކަންކަމާއި ސަރުކާރުގެ ކުންފުނިތަކާ ބެހޭ ވަޒީރު ހަސަން ޒަރީރު ގަތަރުގެ ވެރިރަށް ދޯހާއަށް މިހާރު ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން، އެ ބޭންކުގެ ގްރޫޕް ޗީފް އެގްޒެކެޓިވް އޮފިސަރ (ސީ.އީ.އޯ) ޢަބްދުﷲ މުބާރަކް އަލް-ޚަލީފާއާ ބައްދަލުކުރައްވައި ދެއްކެވި ވާހަކަފުޅުގެ ތެރެއިންނެވެ.