އަންހެން ކުދިންގެ ޙައްޤުތައް ކުރިއެރުވުމުގައި ރާއްޖެއިން އޮތީ ބައިނަލްއަޤްވާމީ މުޖުތަމަޢާއެކު: ރައީސް

ދުނިޔޭގެ އެކި ކަންކޮޅުތަކުގައިވާ އަންހެން ކުދިންގެ ޙައްޤުތައް ކުރިއެރުވުމަށާއި ރައްކާތެރިކުރުމަށް ވެފައިވާ ވަޢުދު އައުކުރުމުގައި ދިވެހިރާއްޖެއިން އޮތީ ބައިނަލްއަޤްވާމީ މުޖުތަމަޢާއެކު ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ބައިނަލްއަޤްވާމީ އަންހެން ކުދިންގެ ދުވަހުގެ މުނާސަބަތުގައި އެކްސްގައި ކުރެއްވި ޕޯސްޓެއްގައި ރައީސް ވިދާޅުވީ، ސަރުކާރުން އަބަދުވެސް މަސައްކަތްކުރަމުން ދާނީ އަންހެން ކުދިންނާއި ޒުވާން އަންހެނުން ބާރުވެރިކުރުވައި، އެކުދިންގެ ޤާބިލުކަން އިތުރުކުމަށް ކަމަށެވެ.

ރައީސުލްޖުމްހޫރިއްޔާ އިތުރަށް ފާހަގަކުރެއްވި ގޮތުގައި، އަންހެން ކުދިންނަކީ މުސްތަޤުބަލުގައި ލީޑަރުންނަށް ހަދައި، އެކުދިންނަށް ރައްކާތެރިކަމާއި އެއްބާރުލުން ލިބޭ މާޙައުލެއްގައި ޤައުމީ ތަރައްޤީއަށް މާނަހުރި ގޮތެއްގައި ޚިދުމަތްކުރުމުގެ ފުރުޞަތު ފަހިކޮށްދޭ ސިޔާސަތުތައް ކުރިއެރުވުމަށް ސަރުކާރުން އިސްކަންދޭނެއެވެ.

މި އުންމީދުތައް ޙަޤީޤަތަކަށް ހެދުމަށް ޓަކައި ޢާއިލާތަކާއި މުޖުތަމަޢުން ފެށިގެން ކަމާގުޅުންހުރި އެންމެހައި ފަރާތްތަކުގެ އެއްބާރުލުމާއި ބައިވެރިވުން ބޭނުންވާކަން އެމަނިކުފާނު ފާހަގަކުރެއްވިއެވެ. އަދި މިއަދު އަންހެން ދަރިންގެ މުސްތަޤުބަލަށް ޓަކައި ކުރާ އިންވެސްޓްމަންޓަކީ، ފާގަތި މާދަމައެއް ބިނާކުރުމަށް ޓަކައި ކުރެވޭ އިންވެސްޓްމަންޓެއް ކަމަށްވެސް ރައީސް ވިދާޅުވިއެވެ.

This International #DayOfTheGirl, we join the international community in reaffirming our commitment to advancing and protecting the rights of girls around the globe. Our administration is committed to advancing policies and creating opportunities that empower girls and young women to realise their full potential, equip them to become future leaders, and enable them to contribute meaningfully to national development in a safe and supportive environment. Such aspirations require a whole-of-society approach, beginning with families and communities and extending to all relevant stakeholders. Investing in our daughters today is an investment in a more equitable, inclusive, and prosperous future for all.

— Dr Mohamed Muizzu (@MMuizzu) October 11, 2026

ކޮންމެ އަހަރެއްގެ ވެސް އޮކްޓޫބަރު 11 ވަނަ ދުވަހު ފާހަގަކުރާ ބައިނަލްއަގްވާމީ އަންހެން ކުދިންގެ ދުވަހަކީ، އަންހެން ކުދިންގެ ހައްގުތައް ރައްކާތެރިކޮށް، އެ ކުދިންނަށް ކުރިމަތިވާ ގޮންޖެހުންތަކާ މެދު ހޭލުންތެރިކަން އިތުރުކުރުމަށް ފާހަގަކުރާ މުހިންމު ދުވަހެކެވެ. މި ދުވަހުގެ މައިގަނޑު މަގުސަދަކީ އަންހެން ކުދިންނަށް ފުރިހަމަ ތައުލީމާއި ސިއްހީ ރައްކާތެރިކަން ކަށަވަރުކޮށްދިނުމާއި، ތަފާތުކުރުންތަކާއި އަނިޔާއިން އެ ކުދިން ސަލާމަތްކޮށް، މުޖުތަމައުގައި އެ ކުދިން ބާރުވެރިކުރުވުމެވެ.