އިޖާދީ ވިސްނުމާއި ތަޖުރިބާއާއެކު އިމްޕޯޓްކުރާ ދަނޑުވެރިކަމުގެ ބާވަތްތައް މަދުކުރެވޭނެ: ރައީސުލްޖުމްހޫރިއްޔާ

އިޖާދީ އައު ވިސްނުންތަކާއި، ރާއްޖޭގެ އުފެއްދުންތެރިންގެ ޢިލްމާއި ތަޖުރިބާ އެއްކޮށްލައިގެން މަސައްކަތްކޮށްފިނަމަ، އުފެއްދުންތެރިކަން އިތުރުކޮށް، ބޭރުން އެތެރެކުރާ ކާބޯތަކެއްޗަށް ބަރޯސާވާ މިންވަރު ކުޑަކުރެވޭނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

އެ މަނިކުފާނު މިފަދައިން ވިދާޅުވީ، ދުނިޔޭގެ ކާބޯތަކެތީގެ ދުވަހުގެ މުނާސަބަތުގައި ސޯޝަލް މީޑިއާ މެދުވެރިކުރައްވައި ހިއްސާކުރެއްވި މެސެޖެއްގައެވެ. 

މިއަހަރުގެ ކާބޯތަކެތީގެ ދުވަހުގެ ޝިޢާރު ކަމަށްވާ "އިންނޮވޭޓް ޓުޑޭ، ނަރިޝް ޓުމޯރޯ" އަށް އަލިއަޅުއްވާލައްވަމުން ރައީސް ވިދާޅުވީ، މިއަދު އަޅުގަނޑުމެން ނިންމާ ނިންމުންތަކާއި ކުރާ އިންވެސްޓްމަންޓްތަކަކީ އަންނަން އޮތް ޖީލުތަކުގެ ކާބޯތަކެތީގެ ރައްކާތެރިކަން ކަނޑައަޅައިދޭނެ ކަންކަން ކަމަށެވެ. އަދި އައު އީޖާދުތަކަށް އިންވެސްޓްކޮށް، ޤައުމުގެ އެތެރޭގެ އުފެއްދުންތެރިކަން ފުޅާކޮށް، ޤުދުރަތީ ވަސީލަތްތައް ދެމެހެއްޓެނިވި ގޮތެއްގައި ބެލެހެއްޓުމުން ކާބޯތަކެތީގެ ރައްކާތެރިކަން އިތުރުކުރެވޭނެ ކަމަށްވެސް އެމަނިކުފާނު ވިދާޅުވިއެވެ. އެގޮތުން ރައްކާތެރި، ފައިދާހުރި އަދި އަގުހެޔޮ ކާބޯތަކެތި އެންމެންނަށް ލިބޭނެ ގޮތް ކަށަވަރުކުރުމަށްޓަކައި، އިޖާދީ، ދެމެހެއްޓެނިވި އަދި ހަރުދަނާ ނިޒާމުތަކެއް ޤާއިމުކުރުމަކީ ނުހަނު މުހިންމު ކަމެއްކަމަށް ވިދާޅުވިއެވެ.

On World Food Day, I wish to recognise the importance of building innovative, sustainable and resilient food systems that ensure access to safe, nutritious and affordable food for all. This year’s theme, “Innovate today. Nourish tomorrow,” reminds us that the choices we make and the investments we undertake today will shape the food security of future generations. By investing in innovation, expanding domestic food production and sustainably managing our natural resources, we can strengthen food security and secure a healthier, more sustainable future for our people. As an island nation, strengthening food security is essential to our national resilience and economic sustainability. We must embrace new technologies, improve local production, support our farmers and fishers, and protect the natural resources that sustain our livelihoods and communities. This Government has taken important steps to strengthen the fisheries sector, including ensuring payments to fishers within 48 hours, expanding fish storage and processing infrastructure, and introducing measures to support our fisheries sector as a whole. We have also advanced agricultural development through public-private partnerships, with projects initiated in various islands as well as encouraging communities to make better use of available land to expand local production, improve access to fresh fruits and create greater opportunities for farmers. We are working to strengthen local food supply chains, improve market access for farmers and fishers, and encourage greater investment in agriculture. By combining innovation with the knowledge and experience of our local producers, we can increase productivity, reduce dependence on imported food and and strengthen the resilience and sustainability of our food supply. Food security is a shared responsibility. By working together to strengthen local food systems and support our farming and fishing communities, we can ensure a reliable supply of nutritious and affordable food for all Maldivians. Let us work together towards a Maldives where our farmers and fishers, and their families, are empowered, local food production continues to grow, and every household has access to nutritious and affordable food.

— Dr Mohamed Muizzu (@MMuizzu) October 16, 2026

ޖަޒީރާ ޤައުމެއްގެ ގޮތުގައި އޮތް ރާއްޖެއަށް، ޤައުމީ ފެންވަރުގައި ދެމެހެއްޓެނިވި އިޤްތިޞާދެއް ބިނާކުރުމަށްޓަކައި ކާބޯތަކެތީގެ ރައްކާތެރިކަން ކަށަވަރުކުރުމަކީ ކޮންމެހެން ބޭނުންތެރި ކަމެއްކަން ފާހަގަކުރައްވަމުން ރައީސް ވަނީ، އައު ޓެކްނޮލޮޖީތައް ބަލައިގަނެ، ދަނޑުވެރިންނާއި މަސްވެރިންނަށް އެހީތެރިކަން ފޯރުކޮށްދީ، ދިރިއުޅުމުގެ ވަސީލަތްތައް ރައްކާތެރިކުރުމަށް ގޮވާލައްވާފައެވެ.

މި ސަރުކާރުން މަސްވެރިކަމުގެ ދާއިރާ ހަރުދަނާކުރުމަށް އަޅާފައިވާ މުހިންމު ފިޔަވަޅުތަކުގެ ތެރޭގައި، މަސްވެރިންނަށް 48 ގަޑިއިރުގެ ތެރޭގައި ފައިސާ ދޫކުރުމާއި، މަސް ރައްކާކުރާ އަދި ޕްރޮސެސްކުރާ އިންފްރާސްޓްރަކްޗަރ ފުޅާކުރުން ހިމެނޭކަން ރައީސް ފާހަގަކުރެއްވިއެވެ. މީގެއިތުރުން، ޕަބްލިކް-ޕްރައިވެޓް ޕާޓްނަރޝިޕްގެ ދަށުން ރަށްރަށުގައި ދަނޑުވެރިކަމުގެ މަޝްރޫޢުތައް ފަށައި، ލިބެންހުރި ބިންތަކުގެ ބޭނުން އެންމެ ހެޔޮގޮތުގައި ހިފައިގެން ތާޒާ މޭވާ އާއި ތަރުކާރީ ލިބޭނެ މަގު ފަހިކޮށްދިނުމަށް މަސައްކަތް ކުރަމުންދާ ކަމަށްވެސް ވިދާޅުވިއެވެ.

ރައީސުލްޖުމްހޫރިއްޔާގެ މެސެޖު ނިންމަވާލައްވަމުން ވިދާޅުވީ، ކާބޯތަކެތީގެ ރައްކާތެރިކަމަކީ އެންމެންގެ ޒިންމާއެއް ކަމަށެވެ. އަދި ދަނޑުވެރިންނާއި މަސްވެރިން ބާރުވެރިކުރުވައި، އެތެރޭގެ އުފެއްދުންތެރިކަން އިތުރުކޮށް، ކޮންމެ ޢާއިލާއަކަށްވެސް ފައިދާހުރި، ހެޔޮއަގުގައި ލިބޭ ކާބޯތަކެތި ކަށަވަރުކޮށްދިނުމަށް އެންމެން އެކުގައި ގުޅިގެން މަސައްކަތް ކުރުމަށް ރައީސުލްޖުމްހޫރިއްޔާ ވަނީ އިލްތިމާސްކުރައްވާފައެވެ.