ވިޔަފާރީގެ މުޢާމަލާތް އިތުރު ކުރުމަށް ނިންމުމަކީ ލިބުނު ބޮޑު އުފަލެއް: ރައީސުލްޖުމްހޫރިއްޔާ

ދިވެހިރާއްޖެއާއި ޕާކިސްތާނާ ދެމެދު އޮތް ވިޔަފާރީގެ މުޢާމަލާތްތައް ކުރިއަށް އޮތް ދެ އަހަރު ދުވަހުގެ ތެރޭގައި 200 މިލިއަން ޑޮލަރަށް އިތުރުކުރުމަށް އެއްބަސްވެވުމަކީ ލިބުނު ވަރަށް ބޮޑު އުފަލެއް ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ޕާކިސްތާނަށް މިހާރު ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން އެ ޤައުމުގެ ބޮޑުވަޒީރު ޝެހްބާޒް ޝަރީފާ ބައްދަލުކުރައްވައި ބޭއްވެވި ރަސްމީ ވާހަކަފުޅުތަކަށްފަހު، 'އެކްސް' މެދުވެރިކުރައްވައި ރައީސުލްޖުމްހޫރިއްޔާ ވިދާޅުވީ، ދެ ޤައުމުގެ ދެމެދުގައި މިހާރު ހިނގަމުންދާ 13 މިލިއަން ޑޮލަރުގެ ވިޔަފާރި، 200 މިލިއަން ޑޮލަރަށް ފުޅާކުރުމަށް ނިންމާފައިވާ ކަމަށެވެ. މީގެއިތުރުން، ރާއްޖޭގައި ކުރިއަށްގެންދާ ފަސް މިލިއަން ގަސް އިންދުމުގެ މަޝްރޫޢަށް ޕާކިސްތާނުން ވެދެއްވަން ނިންމެވި ދީލަތި އެހީތެރިކަމަށްޓަކައި ޕާކިސްތާނުގެ ބޮޑުވަޒީރަށް ރައީސް ވަނީ ޝުކުރު އަދާކުރައްވާފައެވެ.

ރައީސުލްޖުމްހޫރިއްޔާ ވިދާޅުވީ ދެ ޤައުމުގެ ދެމެދުގައި ބޭއްވުނު ރަސްމީ މަޝްވަރާތަކަކީ ވަރަށް ކާމިޔާބު ބައްދަލުވުމެއް ކަމަށެވެ. އަދި ރާއްޖެ އާއި ޕާކިސްތާނާ ދެމެދު ޚާރިޖީ ގުޅުން ޤާއިމުކުރިތާ 60 އަހަރު ފުރޭ މި ދަނޑިވަޅުގައި، ދެ ޤައުމުގެ ގުޅުން އިތުރަށް ބަދަހިކުރުމަށްޓަކައި އެޅުނު ވަރަށް ވަރުގަދަ ބިންގަލެއްގެ ގޮތުގައި މި މަޝްވަރާތައް އެމަނިކުފާނު ސިފަކުރެއްވިއެވެ.

Thank you Prime Minister and my dear brother @CMShehbaz, for your warm and generous hospitality, as well as the kindness and friendship you have extended to me. I am extremely grateful for the highly productive official talks we had today. We engaged in constructive discussions that lay a solid foundation for strengthening our bilateral ties, as we celebrate 60 years of formal diplomatic relations. We reviewed our longstanding friendship and outlined joint priorities across key sectors, including trade and investment, health and education, environment and tourism, fisheries and agriculture, youth and sports, defence and security, training and capacity-building, as well as regional and multilateral cooperation. I am pleased that we have agreed to take the bilateral trade between our countries from USD 13 million to USD 200 million within the next 2 years. I also thank you for the invaluable donation to our five million tree planting initiative. It is a great honour for me and my country, to have been conferred the Degree of Doctor of Philosophy (Honoris Causa) in Politics and International Relations by the International Islamic University Islamabad (IIUI). Today’s exchange of 20 MoUs opens a dynamic new chapter in Maldives-Pakistan relations. I look forward to taking these initiatives forward as we build a stronger, mutually beneficial partnership! 🇲🇻🇵🇰

— Dr Mohamed Muizzu (@MMuizzu) October 21, 2026

މި ބައްދަލުވުމުގައި ވިޔަފާރި އާއި އިންވެސްޓްމަންޓްގެ އިތުރުން، ޞިއްޙީ، ތަޢުލީމީ، ތިމާވެށި، ފަތުރުވެރިކަން، މަސްވެރިކަމާއި ދަނޑުވެރިކަން، ޒުވާނުންނާއި ކުޅިވަރު، ދިފާޢީ އަދި ސަލާމަތީ ދާއިރާ، އިންސާނީ ވަސީލަތް ތަރައްޤީކުރުން އަދި ސަރަޙައްދީ އަދި ބައިނަލްއަޤްވާމީ ގޮތުން އެއްބާރުލުން ދިނުމާ ގުޅޭގޮތުން ދެ ޤައުމުގެ އިސްވެރިން ވަނީ ފުޅާ ދާއިރާއެއްގައި މަޝްވަރާކުރައްވާފައެވެ. މި ދަތުރުފުޅުގެ ތެރެއިން ދެ ޤައުމުގެ ދެމެދުގައި އެކި ދާއިރާތަކުން 20 ފަހުމުނާމާއެއްގައި ސޮއިކޮށް ބަދަލުކުރެވިފައިވާ ކަމަށާއި، މިއީ ދެ ޤައުމުގެ ގުޅުމުގައި ފެށުނު އައު ބާބެއް ކަމަށް ރައީސް ފާހަގަކުރެއްވިއެވެ.

މި ދަތުރުފުޅުގެ ތެރެއިން ޕާކިސްތާނުގެ އިންޓަނޭޝަނަލް އިސްލާމިކް ޔުނިވަރސިޓީ އިސްލާމްއާބާދު (އައިއައިޔޫއައި) އިން ރައީސުލްޖުމްހޫރިއްޔާއަށް "ޑޮކްޓަރ އޮފް ފިލޯސޮފީ (އޮނަރިސް ކޯސާ) އިން ޕޮލިޓިކްސް އެންޑް އިންޓަނޭޝަނަލް ރިލޭޝަންސް" ގެ ޝަރަފުވެރި ޑިގްރީ އަރުވާފައިވާތީ، އެއީ އެމަނިކުފާނަށާއި ދިވެހިރާއްޖެއަށް ލިބުނު ވަރަށް ބޮޑު ޝަރަފެއް ކަމަށް ރައީސް ވިދާޅުވިއެވެ.

ޕާކިސްތާނުގެ ބޮޑުވަޒީރު ޝެހްބާޒް ޝަރީފް، އެމަނިކުފާނަށާއި ވަފުދަށް އަދާކުރެއްވި ހޫނު މެހެމާންދާރީއަށާއި ބެހެއްޓެވި ގާތް އެކުވެރިކަމަށް ޝުކުރު އަދާކުރައްވަމުން ރައީސް ވިދާޅުވީ، ދެ ޤައުމަށް ވެސް ފައިދާހުރި ވަރުގަދަ ގުޅުމެއް ބިނާކުރުމަށްޓަކައި މި ނިންމުންތައް ތަންފީޒުކުރުމަށް ވަރަށް ބޮޑަށް އުންމީދު ކުރައްވާ ކަމަށެވެ.